ធ្លាយ​ដំណឹង PSG ​កំពុង​ចរចា​ទិញ​​យក Ronaldo ​មក​បារាំង

ក្លឹប PSG ​ត្រូវ​បាន​គេ​ដឹង​ថា​កំពុង​តែ​ចរចា​ទិញ​យក​កីឡាករ Cristiano Ronaldo ​ពី​ក្រុម Real Madrid ​នៅ​រដូវ​ក្ដៅ​ខាង​មុខ​នេះ ​ដើម្បី​ជំនួស Cavani ​ដែល​អាច​ចាកចេញ​ទៅ Juventus ​ឬ Atletico Madrid ។

តាម​ប្រភព​សារព័ត៌មាន​ព័រទុយហ្គាល់​និយាយ​ថា ​ភ្នាក់ងារ​ Jorge Mendes ​កំពុង​នៅ​បារាំង ​ដើម្បី​ចរចា​លទ្ធភាព​នៃ​ការ​ផ្ទេរ​កីឡាករ​វ័យ​៣៣​ឆ្នាំ​ខាង​លើ​នេះ។ មិន​ទាន់​ដឹង​តម្លៃ​ខ្លួន​អាច​បាន​ប៉ុន្មាន​នោះ​ទេ ប៉ុន្តែ​គេ​អាច​ប៉ាន់ស្មាន​ថា​មិន​ក្រោម​១០០​លាន​ឡើយ ​ហើយ​លក្ខខណ្ឌ​មួយ​ទៀត គឺ​ការ​ផ្ទេរ Ronaldo ​នេះ ក៏​អាច​ជា​ចំណែក​ក្នុង​ការ​ទិញដូរ Neymar ​របស់ Real Madrid ​ផង​ដែរ។

រឿង​ចាកចេញ​ពី​អេស្ប៉ាញ​នេះ​ដែរ Ronaldo ​បាន​បង្ហើប​ក្រោយ​ពី​ចប់ UEFA Champions League ​ដែរ​ថា​អនាគត​រូបគេ​នៅ​មិន​ទាន់​ច្បាស់​ទេ ​ហើយ​ខ្លួន​នឹង​ធ្វើ​ការ​ប្រកាស​ភ្លាម​ៗ ​ក្រោយ​ពី​ចូល​រួម​ក្រុម​ជម្រើស​ជាតិ ឬ​សប្ដាហ៍​ក្រោយ​នេះ៕ប្រភព៖ Calciomercato

ភ្ជាប់ទំនាក់ទំនងជាមួយ CTS SPORT