ក្រុមបិសាចក្រហម Manchester United បានយកឈ្នះលើក្រុម Bournemouth ក្នុងលទ្ធផល ៤-១ នាការប្រកួតលីគកំពូលអង់គ្លេសនៅយប់មិញនេះ។
ពីមួយប្រកួតទៅមួយប្រកួត បិសាចក្រហមកាន់តែធ្វើឱ្យអ្នកគាំទ្រសប្បាយចិត្តកាន់តែខ្លាំង ដោយអាចយកបានជ័យជម្នះ និងមានគ្រាប់បាល់ច្រើនជានិច្ច។ ជាក់ស្ដែង នៅយប់មិញ Pogba រកបាន២គ្រាប់ ឯណោះ ខណៈដែល២គ្រាប់ទៀតធ្វើបានដោយ Rashford និង Lukaku ។ ការរកបានច្រើនគ្រាប់៣ប្រកួតជាប់គ្នាមកនេះ គឺជាការធ្វើបានជាថ្មីម្ដងទៀតរបស់បិសាចក្រហម ក្នុងរយៈពេល៧ឆ្នាំចុងក្រោយ។
លោក Solskjaer អ្នកចាត់ការបណ្ដោះអាសន្នបាននិយាយចំពោះការប្រកួតនេះថា៖ “អ្វីដែលក្រុមសម្រេចបានគឺពិតជាល្អខ្លាំងណាស់។ Pogba បង្ហាញថាគាត់ជាកីឡាករសំខាន់ក្នុងក្រុម ១គ្រាប់ដំបូងរបស់គាត់គឺជាពិតជាឆ្លាតវៃ។ ក្រុមរបស់យើង កំពុងតែអភិវឌ្ឍទៅមុខ ហើយយើងលេងប្រយុទ្ធជានិច្ច”៕ប្រភពDailyMail
