Liverpool ​ប្រជែង Chelsea ​និង Arsenal ​យក​កីឡាករ Dortmund ​ម្នាក់​មក​បន្ថែម

ក្រុម​ Liverpool ​កំពុង​ប្រជែង​ខ្លាំង​ជាមួយ​ក្រុម​ Chelsea ​និង Arsenal ​ក្នុង​ការ​យក​ខ្សែ​បម្រើ​ Christian Pulisic ​របស់​ក្រុម Dortmund ​នា​ខែ​មករា​ឆ្នាំ​២០១៩​ខាង​មុខ​នេះ។

ហង្ស​ក្រហម កំពុង​នាំ​មុខ​គេ​៦​ពិន្ទុ ឈរ​នៅ​កំពូល​តារាង​លីគ​អង់គ្លេស ​ហើយ​ក៏​មិន​ទាន់​ស្គាល់​បរាជ័យ​នោះ​ដែរ។ យ៉ាងណាមិញ ​ដើម្បី​ធានា​បាន​នៅ​កៅអី​កំពូលតារាង​រហូត​ដល់​ចប់​រដូវ​កាល​នោះ ​ពួកគេ​កំពុង​តែ​ព្យាយាម​ស្វះស្វែង​រក​កម្លាំង​បន្ថែម ​កន្លែង​ខ្វះខាត​ក្នុង​ក្រុម។ ​ក្នុង​នោះ​ដែរ ​នៅ​ខែ​មករា​ខាង​មុខ ​ក្រុម Liverpool ​ក៏​មិន​ញញើត​ក្នុង​ការ​ចំណាយ​ទៀត​ដែរ ដោយ​ពួកគេ​កំពុង​តែ​ដាក់​ដេញ​ថ្លៃ​ទិញ​យក​កីឡាករ​ឆ្នើម​ម្នាក់​មក​រួម​ក្រុម​ទៀត​ហើយ។

លោក Klopp ​ចង់​បាន pulisic ​របស់​ក្រុម Dortmund ​មក​នៅ​ខែ​មករា។ ដោយ​ខ្សែ​បម្រើ​រូប​នេះ ក៏​មាន​ក្លឹប​នៅ​អង់គ្លេស​២​ប្រជែង​គ្នា​ទិញ​ផង​ដែរ។ ក្នុង​នោះ គឺ Chelsea ​និង Arsenal ​ប៉ុន្តែ​មិន​ហាន​ឱ្យ​តម្លៃ​ខ្ពស់​នោះ​ទេ។ ផ្ទុយ​ទៅ​វិញ ​ខាង​ហង្ស​ក្រហម​ឯ​ណោះ ​បាន​ដាក់​តម្លៃ​ខ្លួន​ទៅ​ឱ្យ​ខាង Dortmund ​ពិចារណា​ទៅ​ហើយ​គឺ​៣៥​លាន​ផោន៕ប្រភពDailyMail

ភ្ជាប់ទំនាក់ទំនងជាមួយ CTS SPORT