Courtois បាញ់​អ្នក​គាំទ្រ Liverpool ​៖ នៅ​តែ​អត់​ពាន Premier League ​

Thibaut Courtois ​អ្នក​ចាំ​ទី​ក្រុម Real Madrid ​បាន​ដៀមដាម​ដល់​អ្នក​គាំទ្រ​របស់​ក្រុម Liverpool ​ម្នាក់​នៅ​ក្នុង​បណ្ដាញ​សង្គម Instagram ​ក្រោយ​ពី​រូបគេ​បាន​បង្ហោះ​រូប​១​សន្លឹក។

Thibaut Courtois ​បាន​បង្ហោះ​រូប​ខ្លួន​ឯង​មួយ​សន្លឹក​នៅ Sheikh Zayed Grand Mosque ​ក្នុង​ក្រុង​ Abu Dhabi ដែល​សាមី​ខ្លួន​បាន​សរសេរ​ថា​នេះ​ជា​កន្លែង​ស្អាត​មួយ​ក្នុង​ចំណោម​កន្លែង​ដែល​រូបគេ​ធ្លាប់​ទៅ​លេង។ ក្នុង​នោះ​ដែរ ​មាន​អ្នក​គាំទ្រ Liverpool ​បាន​ចូល​មក cmt ​នៅ​លើ​រូប​មួយ​សន្លឹក​នេះ ដោយ​សរសេរ​ថា ​នៅ​តែ​មិន​អាច​រក្សា​សំណាញ់​ទី​បាន​ដដែល។

ជា​ការ​ឆ្លើយ​តប​ទៅ​នឹង​ពាក្យ​ខាង​លើ អតីត​អ្នក​ចាំ​ទី Chelsea ​បាន​ដាក់​រូប​សើច​មួយ ​ហើយ​សរសេរ​ថែម​ថា ៖ នៅ​តែ​មិន​ទាន់​បាន​ពាន Premier League ​។ ដែល​នេះ​ចង់​សំដៅ​ទៅ​ក្រុម Liverpool ​ដែល​ខកខាន​ឈ្នះ​ពាន​រង្វាន់​លីគ​កំពូល​អង់គ្លេស​ជាង​២០​ឆ្នាំ​មក​ហើយ គិត​ចាប់​ពី​ឆ្នាំ ១៩៩០​មក៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT