Asamoah Gyan ជាអតីតកីឡាករ Sunderland លេងនៅលីគកំពូលអង់គ្លេស និងធ្លាប់ទៅកើបលុយមិនតិចលានដុល្លារនៅលីគរបស់ចិន ប៉ុន្តែពេលនេះរូបគេធ្លាក់ខ្លួនយ៉ាងខ្លាំង រហូតមិនហានទៅជួបមុខគ្រួសារឡើយ។
Gyan កាលលេងនៅក្លឹបShanghai SIPG ចន្លោះឆ្នាំ២០១៥ដល់២០១៧ រូបគេទទួលបាន២២៧ ០០០ផោនឯណោះក្នុង១សប្ដាហ៍។ ប៉ុន្តែដោយសារតែការចាយវាយខ្លាំង ហឺហារ កប់ពពកពេក ក្រោយពីត្រូវអស់កុងត្រាជាមួយក្លឹបយក្សនៅចិននេះហើយ ពេលនេះសាមីខ្លួនកំពុងជួបការលំបាកទៅវិញ។ កីឡាករវ័យ៣៣ឆ្នាំបច្ចុប្បន្នកំពុងលេងនៅក្លឹប Kayserispor នៅប្រទេសទួរគី ដោយមិនទទួលបានប្រាក់ខែឡើយ។ ដោយគ្មានការសន្សំប្រាក់ពីមុនមកផង ពេលនេះ Gyan ធ្លាក់ខ្លួនខ្លាំង ហើយប្រាប់អ្នកកាសែតថាខ្លួនមានលុយក្នុងកុងត្រឹមតែ៦០០ផោនប៉ុណ្ណោះ។
ក្រុមគ្រួសារបានទាក់ទងគេច្រើនដងមកហើយ ដើម្បីទៅលេងផ្ទះ និងប្រពន្ធ កូន ប៉ុន្តែសាមីខ្លួនមិនបានតបទៅវិញ ឬទូរសព្ទទៅលេងនោះទេ ព្រោះខ្មាសពួកគេយ៉ាងខ្លាំង។ ការខ្មាសនេះ គឺដោយសារតែ Gyan មិនបានផ្ដល់ប្រាក់ទៅគ្រួសារជាយូរមកហើយ។ រូបគេបច្ចុប្បន្នកំពុងប្រឹងប្រែងហ្វឹកហាត់ឡើងវិញ ដើម្បីស្ដាមុខមាត់ និងសង្ឃឹមថាអាចរួចផុតពីការលំបាកមួយនេះ៕ប្រភពSportbible