• Scholes ៖ Bale ​ជា​ប្រភេទ​ខ្សែ​ប្រយុទ្ធ សក្ដិសម​បំផុត​សម្រាប់ Man Utd

    Paul Scholes ​គិត​ថា Gareth Bale ​ជា​ប្រភេទ​ខ្សែ​ប្រយុទ្ធ ដែល​សក្ដិសម​បំផុត​ក្នុង​ការ​លេង​ឱ្យ​ក្រុម Manchester United ​ដើម្បី​ប្រជែង​យក​ពាន​រង្វាន់​រដូវ​កាល​ក្រោយ។

    Bale ​ក្លាយ​ជា​តួ​ឯក ​ក្នុង​ការ​ជួយ​ក្រុម Real Madrid ​យក​ឈ្នះ Liverpool ​កាល​ពី​ផ្ដាច់ព្រ័ត្រ UEFA Champions League ។ កីឡាករ​ជម្រើស​ជាតិ​វែល​រូប​នេះ ​រក​បាន​២​គ្រាប់ ដែល​សុទ្ធ​តែ​ជា​គ្រាប់​បាល់​អស្ចារ្យ​បំផុត ​បើ​ទោះ​ជា​រូបគេ​មិន​សូវ​បាន​បង្ហាញ​ខ្លួន​ឱ្យ​ក្រុម Real ​នា​រដូវ​កាល​នេះ​ក៏​ដោយ។

    ក្រោយ​ពី​ចប់​ការ​ប្រកួត​ខាង​លើ​ទៅ ​អតីត​កីឡាករ Spurs ​រូប​នេះ បាន​និយាយ​ថា​រដូវ​កាល​ក្រោយ​រូបគេ​ត្រូវ​ការ​លេង​គ្រប់​ការ​ប្រកួត ​ដូច្នេះ​ហើយ​អំឡុង​ពេល​វិស្សមកាល​នេះ ​ខ្លួន​នឹង​អង្គុយ​និយាយ​ជាមួយ​ភ្នាក់ងារ​ឱ្យ​បាន​ច្បាស់​ចំពោះ​រឿង​នេះ។ ​បើ​នៅ Real Madrid ​បន្ដ លុះ​ត្រា​តែ​ធានា​កៅអី​ជម្រើស​១១​នាក់​ដំបូង​រាល់​ប្រកួត។

    ឃើញ​មាន​ការ​បោះ​ពាក្យ​សម្ដី​ចង់​ចាកចេញ​ដូច្នេះ​ហើយ ទើប​បាន​ជា Scholes  ​អតីត​កីឡាករ Man Utd ​បាន​និយាយ​ថា​សមត្ថភាព​របស់ Bale ​គឺ​សក្ដិសម​បំផុត​សម្រាប់​ក្រុម​បិសាច​ក្រហម។ ប្រសិន​បើ​លោក Jose Mourinho ​អាច​ទិញ​រូបគេ​បាន នោះ​ក្រុម​ទាំង​មូល​នឹង​លេង​កាន់​តែ​ល្អ​ថែម​ទៀត​នា​រដូវ​កាល​ក្រោយ៕ប្រភព៖ DailyMail

     

    ភ្ជាប់ទំនាក់ទំនងជាមួយ CTS SPORT