ខ្សែការពារ Kalidou Koulibaly របស់ក្រុម Napoli ត្រូវបានអ្នកគាំទ្រក្រុម Inter Milan បង្ហាញកាយវិការនិងសម្ដីរើសអើងខ្លាំងមែនទែន ក្នុងការប្រកួតកន្លងទៅនេះ។
ទង្វើនៃការរើសអើងជាតិសាសន៍ ពណ៌សម្បុរនេះដែរ តែងតែកើតមានឡើងក្នុងវិស័យបាល់ទាត់ជានិច្ច ជាពិសេសចំពោះកីឡាករស្បែកខ្មៅតែម្ដង។ ទន្ទឹមគ្នានឹងការរើសអើងនេះ មានកីឡាករជាច្រើនកំពុងនិយាយលើកទឹកចិត្តដល់ Koulibaly ដែលជាកីឡាករឆ្នើមម្នាក់ និងមានក្លឹបធំៗជាច្រើនកំពុងចង់ទិញរូបគេ។ក្នុងនោះ Cristiano Ronaldo ដែលជាខ្សែប្រយុទ្ធកំពូលលើលោក ក៏បានចូលខ្លួនគាំទ្រចំពោះកីឡាករខាងលើផងដែរ។ រូបគេបានបង្ហោះរូបមួយសន្លឹកជាមួយ Koulibaly និងសរសេរដូច្នេះថា៖ “ការអប់រំ និងការគោរព គឺជាកត្ដាសំខាន់ខ្លាំងណាស់នៅលើលោកនេះ និងក្នុងវិស័យបាល់ទាត់។ គ្មានការរើសអើងអ្វីទាំងអស់ ក្នុងវិស័យកីឡាមួយនេះ”។
និយាយពីការរើសអើងនោះដែរ ក្រុមអ្នកគាំទ្រ Inter Milan បានស្រែកហៅ Koulibaly ថាជា សត្វស្វា មួយក្បាល។ ដោយការស្រែកនេះ បានធ្វើឱ្យប៉ះពាល់អារម្មណ៍កីឡាករខ្លាំងមែនទែន៕ប្រភពDailyMail