កីឡាករ Wilfried Zaha ត្រូវបានក្លឹបធំមួយនៅលីគកំពូលចិន ទាក់ទងទិញយកពីក្រុម Crystal Palace ក្នុងតម្លៃ៤៤លានផោនឯណោះ។
ប្រសិនបើរូបគេព្រមទៅមែន ហើយក្លឹបលក់ឱ្យទៀតនោះ Zaha នឹងទទួលបាន១១លានផោនឯណោះក្នុង១រដូវកាលក្នុងការលេងនៅលីគកំពូលចិននេះ។ ដោយការផ្ទេរអាចនឹងធ្វើឡើងនៅខែមករាឆ្នាំ២០១៩ខាងមុខ។ ក្លឹបចិនដែលចង់បានរូបគេនោះគឺ Dalian Yifang ដែលមានលោក Bernd Schuster អតីតអ្នកចាត់ការក្រុម Real Madrid កំពុងកាន់។
ក្លឹបខាងលើបានបន្ថែមទៀតថា ខ្សែប្រយុទ្ធរូបនេះនឹងទទួលបានប្រាក់លើកទឹកចិត្តដល់២,៥លានផោនទៀតក្នុង១ឆ្នាំ ប្រសិនណាបើរូបគេលេងបានល្អ។ ហើយការធ្វើដំណើរទាំងអស់សុទ្ធតែលំដាប់ VIP ជានិច្ច និងអនុញ្ញាតឱ្យមកអង់គ្លេសជាទៀងទាត់ថែមទៀត។ យ៉ាងណាមិញ Crystal Palace មិនចង់បាត់កម្លាំងសំខាន់ម្នាក់នេះទេ។ ហើយកុងត្រាដែលរូបគេនៅសល់នោះ គឺដល់ឆ្នាំ២០២៣ឯណោះ៕ប្រភពDailyMail
