ក្លឹប FC Barcelona កាន់តែកៀកក្នុងការចុះកុងត្រាយកកីឡាករវ័យក្មេងឆ្នើមមួយរូបឈ្មោះថា de Jong ពីក្លឹប Ajax មែនទែនហើយ ក្រោយពីពួកគេផ្ដល់តម្លៃខ្លួនត្រូវបានក្លឹបចង់បាន។
de Jong ជាកីឡាករម្នាក់លេចធ្លោជាងគេនៅលីគរបស់ហុល្លង់ និងត្រូវបានក្លឹបជាច្រើនចង់បានដូចជា Bayern Munich , Man City និង PSG ជាដើម។ យ៉ាងណាមិញ ក្លឹបទាំង៣នេះ ហាក់ដូចជាប្រជែងមិនឈ្នះក្លឹប Barcelona ឡើយ ត្បិតអីក្លឹបយក្សអេស្ប៉ាញមួយនេះ បានផ្ដល់តម្លៃប្រាក់ឈ្នួលដល់ de Jong ត្រូវបានអ្វីដែលរូបគេចង់បានទៅហើយ។
លោក Marc Overmars ប្រធានផ្នែកកីឡារបស់ក្លឹប Ajax បានបញ្ជាក់កាលពីសប្ដាហ៍មុនថា ក្លឹប Barcelona គឺជាក្លឹបឈានមុខគេ ក្នុងការយកបាន de Jong ព្រោះថាសាមីខ្លួនផ្ទាល់ក៏មានបំណងចង់ទៅទទួលបានបទពិសោធនៅអេស្ប៉ាញដែរ។ អមជាមួយការផ្ដល់តម្លៃខ្លួនសមស្របទៀតនោះ គេជឿជាក់ថានៅខែមករាខាងមុខនេះ នឹងមានការចុះកុងត្រាផ្លូវការកើតឡើងជាក់ជាមិនខាន៕ប្រភពDailyMail
