ខ្សែបម្រើ Abdoulaye Doucoure របស់ក្រុម Watford ជាមុខសញ្ញារបស់ក្លឹបអ្នកមាន PSG ក្នុងការទិញយកនៅខែមករាខាងមុខនេះ ដើម្បីមកពង្រឹងក្រុមត្រៀមប៉ះ Manchester United ។
PSG ផ្ដល់តម្លៃទិញផ្ដាច់កុងត្រា៣០លានផោនឯណោះ ក្នុងការនាំយកកីឡាកររូបនេះ ដែលវាជាតម្លៃមួយធ្វើឱ្យ Watford ពិបាកក្នុងការប្រកែក។ យ៉ាងណាមិញ PSG ក៏នៅមានដៃគូប្រជែងមួយទៀតដែរ គឺក្រុម Everton មានចំណាប់អារម្មណ៍លើរូបគេដូចគ្នា។ ការចង់បានខ្សែបម្រើ Doucoure នេះ គឺក្រោយពីរូបគេបានបង្ហាញសមត្ថភាពខ្ពស់ខ្លាំងមែនទែននៅតំបន់បម្រើនារដូវកាលនេះ។ ទាំងកម្លាំង និងបច្ចេកទេសការពារបាល់ គឺសុទ្ធតែត្រូវបានក្លឹបធំៗចាប់អារម្មណ៍ និងមើលឃើញដូចគ្នា។
កីឡាករវ័យ២៥ឆ្នាំខាងលើ មានកុងត្រាជាមួយ Watford ដល់ឆ្នាំ២០២៣។ រូបគេចូលរួមជាមួយក្រុមនេះនៅឆ្នាំ២០១៦ បង្ហាញខ្លួនបាន៨១ប្រកួត និងរកគ្រាប់បាល់បាន១០គ្រាប់ផងដែរ៕ប្រភពDailyMail
