ចោរ​លួច​ចូល​ផ្ទះ ​Thiago Silva ​លួច​របស់​របរ​មាន​តម្លៃ​ជាង​១​លាន​ដុល្លារ​

ខ្សែ​ការពារ ​Thiago Silva ​របស់​ក្រុម PSG ​ត្រូវ​បាន​ចោរ​១​ក្រុម ចូល​លួច​របស់​របរ​នៅ​ក្នុង​ផ្ទះ​ដែល​មាន​តម្លៃ​ប្រមាណ​ជាង​១​លាន​ដុល្លារ​អាមេរិក​ឯ​ណោះ។

ហេតុការណ៍​នេះ​កើត​ឡើង​នៅ​ទី​ក្រុង​បារីស ​កន្លែង​ដែល​កីឡាករ​ខាង​លើ​រស់​នៅ​តែ​ម្ដង។ ​ប៉ូលិស​ក្នុង​តំបន់​បាន​បញ្ជាក់​ថា​ចោរ​១​ក្រុម​នោះ ​ចូល​មក​ក្នុង​ផ្ទះ​តាម​ដំបូល ​ហើយ​មិន​មាន​បំណង​ចាប់​ជំរិត​អ្វី​នោះ​ទេ។ ពោល​គឺ​ពួកគេ​មក​មាន​បំណង​ចង់​លួច​របស់​មាន​តម្លៃ​តែ​ម្ដង។ ក្នុង​នោះ ​មាន​នាឡិកា​តម្លៃ​៦​សែន​អឺរ៉ូ​១​ផង​ដែរ ​ដែល​ចោរ​នោះ​បាន​លួច​ទៅ ​ហើយ​វា​ជា​នាឡិកា​ដែល Thaigo ​ស្រលាញ់​បំផុត។

នៅ​កន្លែង​នេះ​ដែរ ​កាល​ពី​ប៉ុន្មាន​ខែ​កន្លង​ទៅ ​ក៏​មាន​ករណី​ចោរ​ចូល​ផ្ទះ​លួច​របស់​នេះ​ដែរ ​ដោយ​គ្រា​នោះ​គឺ​លួច​ផ្ទះ​របស់​កីឡាករ​ Eric Choupo-Moting ដែល​ជា​មិត្ត​រួម​ក្រុម​របស់ Silva នៅ PSG៕ប្រភពMarca

ភ្ជាប់ទំនាក់ទំនងជាមួយ CTS SPORT