Real Madrid ​ក្លាយ​ជា​ក្លឹប​ដំបូង​ក្នុង​ប្រវត្តិ​សាស្ត្រ​ឈ្នះ Club World Cup ​៣​ឆ្នាំ​ជាប់​គ្នា​

ក្លឹប Real Madrid ​បាន​ក្លាយ​ជា​ក្លឹប​ដំបូង​ក្នុង​ប្រវត្តិ​សាស្ត្រ​បាល់ទាត់​ដែល​បាន​ឈ្នះ​ពាន​រង្វាន់ FIFA Club World Cup ​បាន​៣​ឆ្នាំ​ជាប់​គ្នា ​ក្រោយ​ពី​ឈ្នះ​ក្រុម Al Ain ​៤-១ ​យប់មិញ។នៅ​វគ្ក​ផ្ដាច់ព្រ័ត្រ​យប់មិញ​នេះ ​ក្រុម​អធិរាជ​ស​នៅ​តែ​បង្ហាញ​ភាព​ខ្លាំង​របស់​ខ្លួន​បាន​ដដែល ​ដោយ​យក​ឈ្នះ​ក្រុម​ម្ចាស់​ផ្ទះ Al Ain ​បាន​យ៉ាង​ងាយ​ស្រួល។

ក្នុង​នោះ​៤​គ្រាប់​របស់​ក្រុម​ម្ចាស់​ពាន​រង្វាន់ UEFA Champions League ​រដូវ​កាល​មុន ​ធ្វើ​បាន​សម្រេច​ដោយ​ Luka Modric ​នៅ​នាទី​១៤ Marcos Llorente ​នាទី​៦០ Sergio Ramos ​នាទី​៧៨ ​និង​១​គ្រាប់​ទៀត​ធ្វើ​បាន​ដោយ Yahia Nader ​ធ្វើ​ឱ្យ​ចូល​ទី​ខ្លួន​ឯង​នៅ​នាទី​៩០+១។ ១​គ្រាប់​របស់​ក្រុម Al Ain ​ធ្វើ​បាន​ដោយ Shiotani ​នាទី​៨៦។

នេះ​គឺ​ជា​ប្រវត្តិសាស្ត្រ​ថ្មី​មួយ​ក្នុង​វិស័យ​បាល់ទាត់​ដែល​មាន​ក្រុម​មួយ​អាច​ឈ្នះ​ពាន​រង្វាន់ FIFA Club World Cup ​នេះ​បាន​ដល់​ទៅ​៣​ឆ្នាំ​ជាប់​គ្នា​ដូច្នេះ៕

ប្រភព៖ DailyMail

ភ្ជាប់ទំនាក់ទំនងជាមួយ CTS SPORT