ក្រុម Real Madrid ត្រូវតតាំងជាមួយក្រុម Al Ain នៅម៉ោង១១:៣០នាទីយប់នេះ នៅវគ្គផ្ដាច់ព្រ័ត្រ FIFA Club World Cup នៅទឹកដីអារ៉ាប់រួម។
អធិរាជស ជាក្រុមត្រូវការពារតំណែងជើងឯកនេះ ត្បិតអីពួកគេឈ្នះបាន២ឆ្នាំជាប់គ្នាមកហើយ។ ដូច្នេះប្រសិនបើពួកគេអាចឈ្នះនៅលើកនេះទៀត នោះគឺជាលើកទី៣ជាប់គ្នាតែម្ដង ហើយក៏ជាប្រវត្តិថ្មីមួយផងដែរ។ លោក Solari អ្នកចាត់ការក្រុម Real Madrid បាននិយាយមុនការប្រកួតថាក្រុមរបស់លោកកំពុងផ្ដោតខ្លាំងលើពាននេះ ហើយក៏រំពឹងថានឹងទទួលបានវាត្រលប់ទៅវិញដែរ ។
Al Ain ជាក្រុមល្អមួយដែលបានបង្ហាញឱ្យគ្រប់គ្នាឃើញ។ ដូច្នេះការប្រកួតវគ្គផ្ដាច់ព្រ័ត្រនេះ នឹងមិនមែនជារឿងងាយស្រួលសម្រាប់ក្រុម Real Madrid ឡើយ។ មួយវិញទៀត ការប្រកួតក៏ស្ថិតនៅដីពួកគេស្រាប់ ដូច្នេះអ្នកគាំទ្រនឹងផ្ដល់កម្លាំងចិត្តខ្លាំងខ្លាំដល់ពួកគេ៕ប្រភពgoal
