ម្សិលមិញនេះ មានដំណឹងថា Sanchez ផ្ញើសារតាម Whatapp ទៅកាន់ Marcos Rojo ទារលុយដែលខ្លួនឈ្នះ២ម៉ឺនផោន រឿងភ្នាក់អនាគតរបស់លោក Jose Mourinho នៅ Man Utd ។
ដោយឡែកនៅថ្ងៃនេះ វិញ សាមីខ្លួនចេញមុខបញ្ជាក់ថានោះមិនមែនជារឿងពិតនោះទេ។ វាជាការកុហកមួយប៉ុណ្ណោះ។ Sanchez បាននិយាយដូច្នេះថា៖ “ជារឿងមិនពិតទេ!!! Jose បានផ្ដល់ឱកាសឱ្យខ្ញុំក្នុងការបានលេងជាមួយក្រុមល្អជាងគេលើលោកនេះ ហើយខ្ញុំតែងតែគោរពគាត់ជានិច្ច។ យើងគឺពិតជាក្រុមតែមួយ យើងគឺជា Manchester United ។ ដោយក្ដីគោរព ខ្ញុំកំពុងរង់ចាំឱកាសបានទៅជួយក្រុមវិញ”។
អតីតកីឡាករ Arsenal ខាងលើនេះ ទើបតែផ្លាស់មកលេងនៅ Man Utd នៅខែមករាឆ្នាំ២០១៨កន្លងទៅនេះទេ។ វត្តមានរបស់គេ គឺមិនល្អដូចការគិតរបស់អ្នកគាំទ្រឡើយ ទើបបានជាមានការរិះគន់យ៉ាងខ្លាំង ត្បិតអីរូបគេទទួលបានដល់៥០ម៉ឺនផោនឯណោះក្នុង១សប្ដាហ៍។ បច្ចុប្បន្ន ខ្សែប្រយុទ្ធរូបនេះកំពុងតែសម្រាកព្យាបាលរបួសនៅប្រទតេសឈីលីឯណោះ៕ប្រភពDailyMail
