Salah ​ជួយ​ក្រុម Liverpool ​យក​បាន​៣​ពិន្ទុ ​បន្ដ​ឈរ​កំពូល​តារាង

ក្រុម Liverpool ​បាន​យក​ឈ្នះ​លើ​ក្រុម Wolves ​ក្នុង​លទ្ធផល ២-០ ​នា​ការ​ប្រកួត​លីគ​កំពូល​អង់គ្លេស​នៅ​យប់មិញ​នេះ។

ជ័យជម្នះ​នេះ​ដែរ ​បាន​ធ្វើ​ឱ្យ​ក្រុម Liverpool ​ឈរ​កំពូល​តារាង ​ហើយ​ដាច់​ពិន្ទុ​ក្រុម​លេខ​២ ​Man City ​ដល់​ទៅ​៤​ពិន្ទុ​ជា​បណ្ដោះអាសន្ន​ហើយ។ ដោយ​គ្រាប់​បាល់​២​គ្រាប់​យប់មិញ​របស់​ក្រុម​ហង្ស​ក្រហម ធ្វើ​បាន​ដោយ​កីឡាករ​ល្បឿនលឿន Salah ​១​គ្រាប់ ​និង​ Virgil van Dijk ​១​គ្រាប់។ ​គេ​បាន​កត់​សម្គាល់​ថា ​នៅ​៤​រដូវ​កាល​ចុង​ក្រោយ​នេះ ​ឱ្យ​តែ​ក្រុម​ណា​ឈរ​នៅ​កំពូល​តារាង​អំឡុង​ពេល​បុណ្យ​គ្រីស្មាស​នេះ គឺ​តែងតែ​ជា​ម្ចាស់​ពាន​រង្វាន់​រហូត។

យ៉ាងណាមិញ Liverpool ​កំពុង​ស្ថិត​នៅ​កំពូល​តារាង​ស្រាប់​ទៅ​ហើយ ដូច្នេះ​ពួកគេ​ត្រូវ​ព្យាយាម​បន្ថែម​ទៀត ​ព្រោះ​ថា​អំឡុង​ពេល​បុណ្យ​គ្រីស្មាស​នេះ​ ដោយ​ការ​ប្រកួត​នឹង​ធ្វើ​ឡើង​ជាប់​ៗ​គ្នា​តែ​ម្ដង៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT