• Klopp ៖ Man City ​នៅ​តែ​ជា​ក្ដី​កង្វល់ សម្រាប់​ក្រុម Liverpool ​ដដែល

    លោក Jurgen Klopp ​អ្នក​ចាត់ការ​ក្រុម Liverpool ​បាន​បញ្ជាក់​ថា​ការ​ស្ថិត​នៅ​កំពូល​តារាង​របស់​ក្រុម​លោក ​គឺ​មិន​ទាន់​ធានា​បាន​ថា​នឹង​អាច​លើក​ពាន​រង្វាន់​លីគ​កំពូល​អង់គ្លេស​នោះ​ទេ។ការ​និយាយ​ដូច្នេះ​គឺ​មក​ពី​លោក​គិត​ថា​ក្រុម Manchester City ​នៅ​តែ​ជា​ឧបសគ្គ​ធំ​ដដែល ​ដែល​អាច​នឹង​ធ្វើ​ឱ្យ​ក្រុម​ហង្ស​ក្រហម ​បាន​ត្រឹម​ខក​ចិត្ត​ទៀត​នៅ​រដូវ​កាល​នេះ។ លើស​គ្នា​ត្រឹម​១​ពិន្ទុ ​លោក Klopp ​គិត​ថា​នៅ​ពេល​វែង​ឆ្ងាយ​ទៀត​ណាស់ ​ក្នុង​ការ​និយាយ​ថា​នរណា​មាន​ភាគរយ​ខ្ពស់​ជាង​នរណា ​ក្នុង​ការ​ឈ្នះ​ពាន​រង្វាន់​លីគ​អង់គ្លេស​នេះ។ ​

    មិន​ត្រឹម​តែ Liverpool ​និង Man City ​ទេ ពោល​គឺ​ក្រុម​ស្ថិត​ក្នុង​តំបន់ Top4 ​ទាំង​អស់ ​សុទ្ធ​តែ​មាន​ឱកាស​ដូច​គ្នា ព្រោះ​សល់​ការ​ប្រកួត​ច្រើន​ទៀត។រំលឹក​ថា​ក្រុម​ហង្ស​ក្រហម Liverpool ​ខកខាន​លើក​ពាន​រង្វាន់​លីគ​កំពូល​នេះ ជាង​២០​ឆ្នាំ​មក​ហើយ។ ដូច្នេះ​គោលដៅ​ធំ​សម្រាប់​ពួកគេ​នៅ​ឆ្នាំ​នេះ គឺ​បង្កើត​ប្រវត្តិសាស្ត្រ​ថ្មី​លើក​ពាន​តែ​ម្ដង ​ត្បិត​អី​បច្ចុប្បន្ន​កំពុង​ឈរ​នៅ​កំពូល​តារាង​ស្រាប់៕

    ប្រភព៖ DailyMail

     

    ភ្ជាប់ទំនាក់ទំនងជាមួយ CTS SPORT