LA Galaxy បានបញ្ជាក់ថាពួកគេបានចុះកុងត្រាយកខ្សែប្រយុទ្ធ Zlatan Ibrahimovic មកលេងនៅទឹកដីអាមេរិកបាន១ឆ្នាំទៀតហើយ។
Zlatan ក្រោយពីចាកចេញពី Man Utd បានទៅចូលរួមជាមួយ LA កាលពីរដូវកាលមុន។ លេងបាន១រដូវកាលនោះ រូបគេបានជួយក្លឹបបានច្រើន ហើយក៏អស់កុងត្រានិងចង់ចាកចេញទៅលេងនៅក្លឹបដទៃនៅទឹកដីអឺរ៉ុបវិញ។ ដោយក្នុងនោះ AC Milan ជាក្រុមមួយដែលចង់បានកីឡាករវ័យ៣៧ឆ្នាំខាងលើនេះ។ យ៉ាងណាមិញ ក្រោយពីមានការចរចាគ្នាជាច្រើនថ្ងៃមកនេះ LA Galaxy បានចេញសេចក្ដីប្រកាសថា ពួកគេបានចុះកុងត្រា១ឆ្នាំទៀត ជាមួយ Zlatan បានសម្រេចហើយ។
ក្រោយពីចុះកុងត្រា១ឆ្នាំរួចមក វីរបុរសរបស់ក្រុមបាល់ទាត់ស៊ុយអែតរូបនេះបាននិយាយថា៖ “មានការនិយាយជាច្រើន ទាក់ទងនឹងអនាគតខ្ញុំ ប៉ុន្តែចុងក្រោយខ្ញុំក៏មិនចាកចេញទៅណាដែរ។ ដូចដែលខ្ញុំបាននិយាយអីចឹង ខ្ញុំមិនទាន់បញ្ចប់ការងារនៅអាមេរិកឡើយ។ រដូវកាលទី១ គឺគ្រាន់តែជារដូវកាលសម្រាប់ Warm Up តែប៉ុណ្ណោះ”៕ប្រភពDailyMail