ក្លឹប Manchester City មានបំណងចង់បាន Isco មករួមក្រុមនៅខែមករាខាងមុខនេះ ប៉ុន្តែត្រូវបានក្លឹប Real Madrid ដាក់តម្លៃលក់ចេញដល់ទៅ១០០លានផោនឯណោះ។
Isco នៅសល់កុងត្រាដល់ឆ្នាំ២០២២ ជាមួយក្រុម Real Madrid ប៉ុន្តែក្រោមការដឹកនាំរបស់លោក Solari អ្នកចាត់ការថ្មី បានធ្វើឱ្យរូបគេមិនសប្បាយចិត្តឡើយ។ ខ្សែបម្រើរូបនេះ ពិបាកក្នុងការស្វែងរកឱកាសជាប់ជម្រើស១១នាក់ណាស់។ ហេតុដូច្នេះហើយ បានជាមានក្លឹបជាច្រើនចង់នាំរូបគេចេញ ជាពិសេសគឺក្រុម Man City ក្រោមការដឹកនាំរបស់លោក Pep Guardiola តែម្ដង។
អមជាមួយគ្នានេះដែរ លោក Perez ដែលជាប្រធានក្លឹបបានបញ្ជាក់ថា Isco អាចចាកចេញទៅបាន ប៉ុន្តែក្លឹបដែលចង់បានរូបគេនោះ ត្រូវចំណាយដល់១០០លានឯណោះ ទើបដំណើរការផ្ទេរទៅរួច។ តម្លៃខ្លួនច្រើនយ៉ាងនេះហើយ ទើបបានជាធ្វើឱ្យក្រុមមេឃខៀវ ហាក់ដូចជាស្ងាត់វិញ ចំពោះការចង់បាននេះ៕ប្រភព៖ dailymail