Jurgen Klopp អ្នកចាត់ការក្រុម Liverpool សប្បាយចិត្តនៅពេលចាប់ឆ្នោត Champions League ប៉ះក្រុម Bayern Munich នៅប្រទេសអាល្លឺម៉ង់។
Klopp ធ្លាប់ដឹកនាំ Dortmund ពីឆ្នាំ២០០៨ដល់២០១៥ ហើយធ្លាប់ប៉ះជាមួយក្រុម Bayern Munich ជាច្រើនសារមកហើយ។ ដោយឡែកនៅឆ្នាំរដូវកាលនេះវិញ វគ្គ១៦ក្រុមចុងក្រោយ Champions League ក្រុម Liverpool ចាប់ឆ្នោតត្រូវប៉ះក្រុម Bayern ទៀត ដូច្នេះមានន័យថាលោក Klopp នឹងត្រូវដឹកនាំក្រុមទៅលេងនៅអាល្លឺម៉ង់ម្ដងទៀតហើយ។
“ពិបាក។ ចាប់ឆ្នោតបានល្អណាស់។ វាច្បាស់ណាស់ថាវាជាការប្រកួតដែលពិបាក ពួកគេពិតជាក្រុមខ្លាំងមួយ។ សម្រាប់ខ្ញុំ វាពិតជាល្អ និងសប្បាយរីករាយក្នុងការទៅអាល្លឺម៉ង់។ ពីពេលនេះទៅ យើងត្រូវរៀបចំក្រុមឱ្យបានល្អ ហើយសង្ឃឹមថានឹងមិនមានកីឡាករណាម្នាក់របួសឡើយ។ យើងដឹងច្បាស់ហើយនៅអាល្លឺម៉ង់ ពិតជាមានអ្នកគាំទ្រអស្ចារ្យខ្លាំងណាស់ ដូច្នេះហើយ វាពិតជាល្អសម្រាប់យើងក្នុងការទៅលេងនៅទីនោះ”។ សម្ដីលោក Klopp ៕ប្រភព៖ dailymail
