ក្រុមបិសាចក្រហម Manchester United បានបរាជ័យក្រោមថ្វីជើងរបស់ក្រុម Liverpool ក្នុងលទ្ធផល ៣-១ នាការប្រកួតលីគកំពូលអង់គ្លេសនៅយប់មិញនេះ។លោក Jose Mourinho បាននិយាយក្រោយចប់ការប្រកួតថាក្រុមរបស់លោក ហាក់មានសមត្ថភាពខ្សោយជាងក្រុម Liverpool ខ្លាំងណាស់។ កីឡាកររបស់ហង្សក្រហម រត់បានពេញ៩០នាទីតែម្ដង ដោយមិនមានភាពនឿយហត់ឡើយ។ ប៉ុន្តែបើមើលទៅកីឡាកររបស់ Man Utd វិញ បានត្រឹមនៅពីក្រោយប៉ុណ្ណោះ ហាក់ដូចជាមិនមានកម្លាំងក្នុងការរត់ប្រជែងយកបាល់នោះទេ។
“ពួកគេ កំពុងបង្ហាញថាគេអាចរត់ក្នុងល្បឿន ២០០ម៉ាយក្នុង១ម៉ោងឯណោះ។ ខ្ញុំពិតជាសរសើរពួកគេមែន។ យើងមានកីឡាករល្អច្រើនដែរ ប៉ុន្តែពួកគេមិនមានចំណុចខ្លាំង ពិសេសដូចក្រុម Liverpool ចិត្តចង់ឈ្នះខ្លាំងដូច្នេះនោះទេ។ ខ្ញុំពិតជាសោកស្ដាយចំពោះលទ្ធផលនៅយប់នេះ”។ សម្ដីរបស់លោក Jose ។
ចាញ់យប់មិញនេះ ធ្វើឱ្យបិសាចក្រហម ឈរនៅចំណាត់ថ្នាក់៦ក្នុងតារាងមានត្រឹមតែ២៦ពិន្ទុប៉ុណ្ណោះ។ ដោយឡែក Liverpool វិញ ឈរនៅកំពូលតារាង មានដល់៤៥ពិន្ទុ៕ប្រភពDailyMail
