• ឈ្នះ​ពាន Suzuki Cup ​​វៀតណាម ​ត្រូវ​តតាំង​ជាមួយ​កូរ៉េ​ខាង​ត្បូង ក្នុង​ពាន​រង្វាន់​១​ទៀត

    បន្ទាប់​ពី​ឈ្នះ​ពាន​រង្វាន់ AFF Suzuki Cup 2018 ​រូច​ហើយ ​ក្រុម​បាល់ទាត់​ជម្រើស​ជាតិ​វៀតណាម ​នឹង​ត្រូវ​លេង​ពាន​រង្វាន់​ថ្មី​មួយ​ទៀត ​ដោយ​ត្រូវ​ប៉ះ​ជាមួយ​ក្រុម​ខ្លាំង​នៅ​អាស៊ី កូរ៉េ​ខាង​ត្បូង។ពាន​រង្វាន់​នេះ​មាន​ឈ្មោះ​ថា​ AFF-EAFF Champions Trophy ដែល​ជា​ពាន​សហព័ន្ធ​ប្រចាំ​តំបន់​អាស៊ី​អាគ្នេយ៍ AFF​ ជាមួយ​អាស៊ី​ខាង​កើត ​ទើប​ចុះ​អនុស្សរណៈ​យោគ​យល់។ ​ពាន​នេះ នឹង​ត្រូវ​លេង​២​ឆ្នាំ​ម្ដង ពោល​គឺ​ក្រុម​ដែល​ឈ្នះ​ពាន AFF Suzuki Cup ​នឹង​ត្រូវ​ប៉ះ​ក្រុម​ដែល​ឈ្នះ​ពាន​រង្វាន់ ​ EAFF Champions Trophy។

    ​ដោយ​ឆ្នាំ​ដំបូង​នេះ ​ក្រុម​ដែល​ឈ្នះ​ពាន​រង្វាន់​នៅ​អាស៊ី​ខាង​កើត​គឺ​ក្រុម​កូរ៉េ​ខាត​ត្បូង ​ដូច្នេះ​ហើយ ​វៀតណាម ​នឹង​ត្រូវ​ប៉ះ​ក្រុម​នេះ​នៅ​ថ្ងៃ​ទី​២៦ ខែ​មីនា​ឆ្នាំ​២០១៩​ខាង​មុខ។ពាន​រង្វាន់​ EAFF Champions Trophy ​មាន​ក្រុម​ចូល​រួម​ដូចជា ជប៉ុន ចិន និង​កូរ៉េ​ខាង​ត្បូង​ជា​ដើម។ ដោយ​វា​នឹង​លេង​ដូច​ពាន​រង្វាន់ AFF Suzuki Cup ​ដែរ ដោយ​២​ឆ្នាំ​ទើប​ចាប់​ផ្ដើម​កម្មវិធី​ប្រកួត​ម្ដង៕ប្រភព៖ Fourfourtwo

     

     

    ភ្ជាប់ទំនាក់ទំនងជាមួយ CTS SPORT