ជំនួបពិសេសនារាត្រីនេះ គឺក្រុម Liverpool ត្រូវតតាំងជាមួយក្រុមបិសាចក្រហម Manchester United នាម៉ោង១១យប់នេះ នាពានរង្វាន់លីគកំពូលអង់គ្លេស Premier League។មុនការប្រកួតនេះដែរ លោក Klopp អ្នកចាត់ការក្រុម Liverpool បាននិយាយថាក្រុមត្រូវឈ្នះការប្រកួតនេះឱ្យបាន ដើម្បីទទួលបានចំណាត់ថ្នាក់កំពូលតារាង។ ដើម្បីឈ្នះក្រុម Man Utd បាន លោកចង់ឱ្យកូនក្រុមទាំងអស់ ព្យាយាមលេង និងត្រូវមានកំហឹងក្នុងចិត្ត លេងខ្លាំងបំផុត ទើបទទួលបានជ័យជម្នះ។
“នេះមិនមែនជាការប្រកួតស្រួលនោះទេ United ចាញ់ការប្រកួតច្រើនមែន ប៉ុន្តែពួកគេតែងតែធ្វើបានល្អជានិច្ច ក្នុងការប្រកួតធំៗ។ ជាក់ស្ដែងយើងផ្ទាល់ក៏មានបញ្ហាកីឡាករច្រើនដែរ។ ដើម្បីឈ្នះការប្រកួត យើងត្រូវប្រុងប្រយ័ត្ននិងលេងដោយមានទំនុកចិត្តបំផុត។ លោក Sir Alex បានបញ្ជាក់ថាការប្រកួតនេះ គឺជាការប្រកួត Clasico នៅអង់គ្លេស ដូច្នេះខ្ញុំចង់ឃើញវាជាការប្រកួតល្អមួយ”។ សម្ដីរបស់លោក Klopp ៕
ប្រភព៖ BBC