Pep Guardiola អ្នកចាត់ការក្រុម Manchester City គិតថាការប្រជែងពានរង្វាន់នៅអង់គ្លេសនាពេលនេះ គឺដូចកាលគ្រាដែលលោកដឹកនាំក្រុម Barcelona ប្រជែងជាមួយ Real Madrid ដែរ។
ក្រុម Man City នាពេលនេះកំពុងឈរនៅលេខ២ ខណៈដែលចាញ់ក្រុមលេខ១ Liverpool ត្រឹមតែ១ពិន្ទុប៉ុណ្ណោះ។ ការប្រជែងគ្នាយ៉ាងស្វិតស្វាញនេះហើយ បានធ្វើឱ្យលោក Pep នឹកឃើញគ្រាដែលលោកដឹកនាំក្រុម Barcelona នៅលីគ La Liga របស់អេស្ប៉ាញ។ ដោយកាលនោះ ក៏មានការប្រជែងពិន្ទុគ្នាខ្លាំងនៅតំបន់កំពូលតារាងអីចឹងដែរ។
“វាពិតជាដូចណាស់ ខ្ញុំកំពុងមានអារម្មណ៍ដូច្នេះ។ វាគឺតម្រូវឱ្យយើង ឈ្នះរាល់ការប្រកួតដើម្បីអាចលើកពានបាន។ ពេលយើងនៅនាំមុខគេ ហើយព្យាយាមរក្សាតំណែងនេះ។ កីឡាករទាំងអស់ត្រូវដឹងពីរឿងនេះឱ្យច្បាស់”។ សម្ដីរបស់លោក Pep ៕ប្រភព៖dailymail