អ្នក​ចាំ​ទី Liverpool ​ដេក​អត់​លក់​១យប់​ហើយ ដោយសារ​កំហុស​របស់​ខ្លួន

Loris Karius ​អ្នក​ចាំ​ទី Liverpool ​បាន​បង្ហោះ​លើ​បណ្ដាញ​សង្គម​ថា​ខ្លួន​គេ គេង​មិន​លក់​១​យប់​ពេញ​តែ​ម្ដង ដោយសារ​តែ​កំហុស​របស់​ខ្លួន។

Real Madrid ​​បាន​យក​ឈ្នះ​លើ​ក្រុម Liverpool ​៣-២ ​ក្នុង​ការ​ប្រកួត UEFA Champions League ​វគ្គ​ផ្ដាច់ព្រ័ត្រ។ ​ដោយ​ការ​ស៊ុត​ចូល​របស់ Real ​២​គ្រាប់​ក្នុង​ចំណោម​៣​គ្រាប់​នោះ គឺ​ជា​កំហុស​របស់​អ្នក​ចាំ​ទី​ខាង​លើ​តែ​ម្ដង ដែល​បង្ក​ឡើង​ក្នុង​ការ​ប្រកួត។

ដោយសារ​តែ​មាន​វិប្បដិសារី​ចំពោះ​រឿង​ខាង​លើ​នេះ ​បាន​ជា​ធ្វើ​ឱ្យ​អតីត​អ្នក​ចាំ​​ទី​របស់​ក្រុម​ Mainz 05 ​មិន​អាច​គេង​សោះ។ ខួរ​ក្បាល ​និង​ចិត្ត​របស់ Loris ​ពោរ​ពេញ​ទៅ​ដោយ ​គ្រាប់​បាល់​២​គ្រាប់​នោះ ​ដែល​បាន​កើត​ឡើង មិន​គួរ​ឱ្យ​ជឿ។ អ្នក​ចាំ​ទី​វ័យ​២៤​ឆ្នាំ​ក៏​បាន​និយាយ​ដដែល​ៗ ​ដើម្បី​សុំទោស​ចំពោះ​កំហុស​របស់​ខ្លួន​ក្នុង​ការ​ប្រកួត​សំខាន់​បំផុត​នេះ​ផង​ដែរ។

ទាក់ទិន​នឹង​ទម្រង់​លេង​របស់​អ្នក​ចាំទី​ខាង​លើ​នេះ​ដែរ Klopp ​អ្នក​ចាត់ការ​ក្រុម Liverpool ​និយាយ​ថា​មិន​បន្ទោស​កូន​ក្រុម​ទេ រូបគេ​ត្រូវ​ការ​បទ​ពិសោធ​បន្ថែម​ទៀត ត្បិត​អី​នៅ​ក្មេង​នៅ​ឡើយ។ ​វា​មិន​មែន​ជា​ប្រកួត​ចុង​ក្រោយ​ឡើយ ​Liverpool ​នឹង​មាន​ការ​ប្រកួត​ផ្ដាច់ព្រ័ត្រ​ច្រើន​លើក​ទៀត៕ប្រភព៖ Foxsports

ភ្ជាប់ទំនាក់ទំនងជាមួយ CTS SPORT