ខ្សែការពារ Valencia បានសម្រេចចិត្ត និងស្នើសុំក្លឹប Manchester United ចាកចេញហើយ ក្រោយពីបាត់បង់ទំនុកចិត្តក្រោមការដឹកនាំរបស់លោក Jose Mourinho ។
នាសប្ដាហ៍នេះ Antonio Valencia បានចូលពិភាគ្សាជាមួយថ្នាក់ដឹកនាំក្រុមរបស់ Man Utd ពីអនាគតរបស់គេ។ ជាក់ស្ដែង កីឡាកររូបនេះចង់ចាកចេញ ដើម្បីស្វែងរកឱកាសបានចូលលេងវិញ ស្របពេលដែលក្រោមការដឹកនាំរបស់លោក Jose ខ្លួន ពិតជាពិបាកក្នុងការបានចូលលេងណាស់។ មានដំណឹងមួយទៀត បានបញ្ជាក់ថាការចង់ចាកចេញនេះ គឺដោយសារតែ Valencia ឈ្លោះគ្នាជាមួយលោក Jose ផ្ទាល់តែម្ដង។
កីឡាករវ័យ៣៣ឆ្នាំខាងលើ ចូលលេងឱ្យ Man Utd តាំងពីឆ្នាំ២០០៩ ដោយគិតមកដល់ពេលនេះជិត១០ឆ្នាំទៅហើយ។ អតីតកីឡាករ Wigan រូបនេះ ត្រូវបានលោក Sir Alex Fugerson ជឿជាក់យ៉ាងខ្លាំង និងធ្លាប់ជួយក្រុមឈ្នះពានរង្វាន់ Premier League បាន២ដងផងដែរ៕ប្រភពDailyMail
