Joel Matip ខ្សែការពារសំខាន់របស់ក្រុម Liverpool រងរបួសបាក់ឆ្អឹងដងកាំបិតដែលតម្រូវឱ្យគេ ចាកចេញពីទីលានប្រកួតរហូតដល់៦សប្ដាហ៍ឯណោះ។
របួសនេះកើតឡើង ពេលក្រុម Liverpool លេងទល់ក្រុម Napoli កាលពីម្សិលមិញនេះ។ ដោយ Matip បានប៉ះគ្នាជាមួយកីឡាករ Kalidou Koulibaly ហើយក៏រងរបួសនេះតែម្ដង។ ក្រុមគ្រូពេទ្យរបស់ហង្សក្រហមបានបញ្ជាក់ថារបួសនេះតម្រូវឱ្យមានការវះកាត់ ទើបបណ្ដាលឱ្យរូបគេត្រូវសម្រាករហូតដល់៦សប្ដាហ៍ដូច្នេះ។ ដោយ៦សប្ដាហ៍នេះ កីឡាករលេងឱ្យជម្រើសជាតិកាមេរ៉ូនរូបនេះ នឹងមិនអាចជួយក្រុម Liverpool ដល់១០ប្រកួតឯណោះ។
នៅពេលនេះដែរ ក្រុមរបស់លោក Klopp កំពុងជួបវិបត្តិខ្សែការពារហើយ ដោយ Joe Gomez បានបាក់ជើងតាំងពី Liverpool ឈ្នះ Burnleyy ៣-១ ក្នុងលីគអង់គ្លេស។ ដូច្នេះ ក្រុមកំពូលតារាងមួយនេះ បានបាត់បង់កីឡាករសំខាន់នៅតំបន់ការពារដល់ទៅ២នាក់ មានរយៈពេលប្រហាក់ប្រហែលគ្នាក្នុងការព្យាបាលរបួសនេះតែម្ដង។ ដោយឡែកនៅចុងសប្ដាហ៍នេះ Liverpool នឹងត្រូវប៉ះជាមួយ Man Utd ទៀត ដែលជាប្រកួតសំខាន់មួយ៕ប្រភពDailyMail