នៅថ្ងៃទី ២៩ ខែមីនា ការប្រកួតមិត្តភាពរវាងក្រុមជម្រើសជាតិម៉ិកស៊ិក និងព័រទុយហ្គាល់ នឹងត្រូវធ្វើឡើងនៅកីឡដ្ឋាន Azteca។ យោងតាមប្រព័ន្ធផ្សព្វផ្សាយម៉ិកស៊ិក និងព័ត៌មានតាមបណ្តាញសង្គម អ្នកគាំទ្រម្ចាស់ផ្ទះកំពុងរៀបចំសកម្មភាពពិសេសមួយ គឺការរួមគ្នាស្រែកឈ្មោះរបស់ Ronaldo នៅនាទីទី ៧ នៃការប្រកួត ដើម្បីជាការផ្តល់កិត្តិយសដល់កំពូលតារាបាល់ទាត់រូបនេះ ដែលអវត្តមានក្នុងការប្រកួត។

ដោយសារតែបញ្ហារបួស Ronaldo កំពុងស្ថិតក្នុងដំណាក់កាលសម្រាកព្យាបាល ហើយនឹងត្រូវខកខានការប្រកួតនេះ។ ទោះជាយ៉ាងណាក៏ដោយ វាមិនបានធ្វើឱ្យប៉ះពាល់ដល់ឥទ្ធិពលដ៏ខ្លាំងក្លារបស់លោកនៅលើពិភពលោកនោះទេ។ តាមសេចក្តីរាយការណ៍ អ្នកគាំទ្រម៉ិកស៊ិកសង្ឃឹមថានឹងធ្វើឱ្យ “រដូវកាលនៃការផ្តល់កិត្តិយស” នេះ ក្លាយជាប្រធានបទដ៏ក្តៅគគុកនៅលើបណ្តាញសង្គម តាមរយៈការស្រែកព្រមៗគ្នានៅពេលវេលាដែលបានកំណត់។

ក្រៅពីការស្រែកឈ្មោះក្នុងពេលតែមួយ អ្នកគាំទ្រមួយចំនួនក៏មានគម្រោងពាក់អាវដែលមានឈ្មោះ និងលេខរបស់ Ronaldo ចូលទៅក្នុងកីឡដ្ឋាន និងបង្ហាញវាឱ្យអស់ពីលទ្ធភាពក្នុងអំឡុងពេលប្រកួត ដើម្បីបង្កើនការផ្សព្វផ្សាយសកម្មភាពនេះ។ ប្រសិនបើរូបភាពទាំងនេះត្រូវបានថតជាប់ដោយកាមេរ៉ា វាអាចនឹងបង្កឱ្យមានការពិភាក្សាយ៉ាងទូលំទូលាយបន្ទាប់ពីបញ្ចប់ការប្រកួត។

ទោះជាយ៉ាងណាក៏ដោយ ក៏មានមតិខ្លះជឿថា ទិដ្ឋភាពនេះអាចនឹងមានការ “ប្រទាញប្រទង់គ្នា” ផងដែរ ដោយសារតែក្នុងចំណោមក្រុមអ្នកគាំទ្រម៉ិកស៊ិក ក៏មានអ្នកគាំទ្រ Messi យ៉ាងច្រើនកុះករដែរ។ ដូចនេះ គេមិនច្រានចោលលទ្ធភាពដែលថា នឹងមានការស្រែកឈ្មោះតារាបាល់ទាត់ផ្សេងគ្នា (Ronaldo និង Messi) ក្នុងពេលតែមួយនោះទេ ៕

ប្រភព ៖ បរទេស