ក្រុម FC Barcelona នឹងត្រូវបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Spurs នៅវេលាម៉ោង៣ទៀបភ្លឺយប់នេះ ក្នុងការប្រកួតចុងក្រោយសន្សំពិន្ទុពានរង្វាន់ UEFA Champions League ។
ការប្រកួតនៅរាត្រីនេះ ពិតជាសំខាន់ណាស់សម្រាប់ក្រុម Spurs ដើម្បីបានកៅអីវគ្គបន្ដ ប្រសិនណាបើពួកគេអាចយកឈ្នះក្រុម Barcelona បាន។ ដោយឡែកក្រុមអ្នកមានបុណ្យវិញ អាចនិយាយបានថាគ្រាន់តែជាប្រកួតបង្គ្រប់កិច្ចមួយប៉ុណ្ណោះ ព្រោះពួកគេបានកក់កៅអីវគ្គ១៦ក្រុមចុងក្រោយរួចជាស្រេចទៅហើយ។
លោក Valverde អ្នកចាត់ការក្រុម Barcelona បាននិយាយមុនការប្រកួតនេះថា៖ “Inter កុំបារម្ភចំពោះយើងអី គោលដៅរបស់យើងគឺឈ្នះគ្រប់ការប្រកួតទាំងអស់ ប៉ុន្តែបើ Inter យកឈ្នះ Spurs ប្រកួតមុន នោះពួកគេនឹងមិនបាច់បារម្ភអីចឹងនោះទេ។ ការប្រកួតយប់នេះ យើងនឹងមានការផ្លាស់ប្ដូរកីឡាករខ្លះ ហើយ Suarez នឹងមិនមានវត្តមានលេងឡើយ”។ដោយឡែកសម្រាប់ Lionel Messi វិញ រូបគេនឹងនៅតែចូលលេងជម្រើស១១នាក់ដដែល ក្នុងនាមជាប្រធានក្រុមផ្ទាល់តែម្ដង៕ប្រភពDailyMail
