យោងតាមសេចក្តីរាយការណ៍ពី Foot Mercato បានឱ្យដឹងថា មានក្លឹបជាច្រើនកំពុងបង្កើតតម្រង់ជួរយ៉ាងវែងដើម្បីព្យាយាមទិញយកកីឡាករជនជាតិអេស្ប៉ាញ Fabián Ruiz អាយុ ២៩ឆ្នាំ ពីក្លឹប Paris Saint-Germain។
ក្នុងចំណោមពួកគេមាន Man United និង Al-Nassr ពីសាអូឌីអារ៉ាប៊ី។ ក៏ប៉ុន្តែ PSG មិនសូវចង់លក់ Ruiz ទេ ពីព្រោះគាត់គឺជាសមាជិកសំខាន់ក្នុងទម្រង់បីនាក់នៅកណ្តាលដ៏សំខាន់របស់ PSG ជាមួយ Vitinha និង João Neves។ គាត់បានជួយក្លឹបឱ្យឈ្នះពាន Champions League ជាលើកដំបូងក្នុងប្រវត្តិសាស្ត្រ។
Foot Mercato បន្ថែមថា PSG ចង់រក្សាទុកតំបន់កណ្តាលនេះសម្រាប់រដូវកាល ២០២៥/២៦ ហើយអាចព្យាយាមផ្តល់កុងត្រាថ្មីឱ្យ Ruiz ដើម្បីទប់ស្កាត់ចំណាប់អារម្មណ៍ពីក្លឹបផ្សេងៗ។ ទោះជាយ៉ាងណា គ្មានព័ត៌មានអំពីកុងត្រាថ្មីនេះត្រូវបានបង្ហាញឡើយ។ ខណៈដែលកុងត្រាបច្ចុប្បន្នរបស់គាត់នឹងផុតកំណត់នៅឆ្នាំ ២០២៧ ៕
ប្រភព បរទេស
