Bale ​ស៊ុត​ដូច​កាំជ្រួច ​ជួយ Real Madrid ​បង្កើត​ប្រវត្តិសាស្ត្រ គ្មាន​ក្លឹប​ធ្វើ​បាន​ដូច

Gareth Bale ​រក​បាន​២​គ្រាប់ ជួយ​ក្រុម Real Madrid ​យក​ឈ្នះ​លើ​ក្រុម Liverpool ​៣-១ លើក​ពាន UEFA Champions League ​៣​ឆ្នាំ​ជាប់​គ្នា។

Bale ​ដែល​អង្គុយ​កៅអី​នៅ​តង់​ទី​១​នោះ ​បាន​ដូរ​ចូល​លេង​នៅ​តង់​ទី​២ ​ដើម្បី​ជា​យុទ្ធសាស្ត្រ​បំបែក​តំបន់​ការពារ Liverpool ។ ​ជាក់​ស្ដែង ​ទម្រង់​លេង​នៃ​ការ​ដូរ​ចូល​នេះ​ពិត​ជា​ជោគជ័យ​មែន ​ដោយ​អាច​ធ្វើ​ឱ្យ​រូបគេ​រក​បាន​២​គ្រាប់ ​ទទួល​ជ័យជម្នះ​លើ​ក្រុម​ហង្ស​ក្រហម​អង់គ្លេស​តែ​ម្ដង។ ​១​គ្រាប់​ជា​បាល់​ទាត់​បក​ក្រោយ​យ៉ាង​ស្អាត និង​១​គ្រាប់​ទៀត​ជា​ការ​ស៊ុត​ពី​ចម្ងាយ ​ដែល​ធ្វើ​ឱ្យ​អ្នក​ចាំ​ទី​ចាប់​មិន​ជាប់​នោះ​ទេ ព្រោះ​វា​លឿន​ខ្លាំង​ពេក។

ជ័យជម្នះ​នេះ បាន​ធ្វើ​ឱ្យ Real Madrid ​ជា​ក្រុម​ដំបូង​គេ​អាច​ឈ្នះ​ពាន​នេះ​បាន​៣​ដង​ជាប់​គ្នា ហើយ​សរុប​ជា​រួម​ទៅ​បាន​១៣​ពាន​រង្វាន់​ហើយ លើស​ក្រុម​ណា​ទាំង​អស់​នៅ​លើ​លោក៕ប្រភព៖ DailyMail

 

ភ្ជាប់ទំនាក់ទំនងជាមួយ CTS SPORT