Sterling ​ថា​អ្នក​គាំទ្រ Chelsea ​បាន​និយាយ​មើល​ងាយ​គេ​ក្នុង​ការ​ប្រកួត​ថ្ងៃ​មុន

ខ្សែ​បម្រើ​ប្រយុទ្ធ​ Raheem Sterling ​បាន​ប្រាប់​ទៅ​ប៉ូលិស​ថា ​ក្រុម​អ្នក​គាំទ្រ​ Chelsea ​បាន​និយាយ​មើល​ងាយ​រូបគេ អំឡុង​ការ​ប្រកួត​នៅ Stamford Brigde ​កាល​ពី​ចុង​សប្ដាហ៍​កន្លង​ទៅ​នេះ។

ប៉ូលិស​ហៅ​កីឡាករ Man City ​ខាង​លើ​ទៅ​សួរ​នាំ ​ក្រោយ​ពី​មាន​ការ​ប៉ះ​ទង្គិច​គ្នា​បន្តិចបន្តួច​កើត​ឡើង ​ក្នុង​ការ​ប្រកួត​ដែល Chelsea ​ឈ្នះ Man City ​២-០។ ​ក្រុម​អ្នក​គាំទ្រ Chelsea ​បាន​ស្រែក​ទៅ​កាន់ Sterling ​ក្នុង​ការ​ប្រកួត​នោះ ដែល​ធ្វើ​ឱ្យ​មាន​ការ​ភ្ញាក់ផ្អើល​ជា​ខ្លាំង។ គេ​សង្ស័យ​ថា​អាច​នឹង​ការ​ប៉ះ​ពាក្យ​សម្ដី​គ្នា ទើប​បណ្ដាល​ឱ្យ​អ្នក​គាំទ្រ​ខឹង​ខ្លាំង ​យ៉ាង​នេះ។

ប្រាប់​ទៅ​ប៉ូលិស ​កីឡាករ Sterling ​បាន​បញ្ជាក់​ថា​អ្នក​គាំទ្រ​បាន​ស្រែក​មើល​ងាយ​រូបគេ ប៉ុន្តែ​ខ្លួន​មិន​បាន​ឆ្លើយ​តប​អ្វី​វិញ​ទេ។ ដោយ​គ្រាន់​តែ​សើច​ដាក់​វិញ ​ប៉ុណ្ណោះ ព្រោះ​មិន​ចង់​មាន​រឿង​វែង​ឆ្ងាយ។ ស្រប​ពេល​ដែល Rio Ferdinand ​ដែល​ជា​អតីត​កីឡាករ Man Utd ​វិញ​បាន​មើល​ងាយ​និង​និយាយ​ដែរ​ថា​ការ​រើស​អើង​ដូច្នេះ​មិន​សម​កើត​មាន​ឡើយ​សម្រាប់​ក្លឹប​និង​អ្នក​គាំទ្រ​នៅ​អង់គ្លេស៕ប្រភពDailyMail

ភ្ជាប់ទំនាក់ទំនងជាមួយ CTS SPORT