ខ្សែប្រយុទ្ធ Gareth Bale រកគ្រាប់បាល់បាន១គ្រាប់ក្នុងការប្រកួតទល់ក្រុម Huesca ក្នុងជ័យជម្នះ ១-០ កាលពីយប់មិញនេះ។
Bale ខកខានរកគ្រាប់បាល់ក្នុងលីគ១០ប្រកួតមកហើយ ខណៈដែល១គ្រាប់យប់មិញនេះ គឺជាគ្រាប់បាល់ដំបូងរបស់គេដែរ។ មួយវិញទៀត ការបាន៣ពិន្ទុនេះ ក៏បានធ្វើឱ្យក្រុម Real Madrid ឈរនៅចំណាត់ថ្នាក់លេខ៤ក្នុងតារាង La Liga ផងដែរ ហើយគំលាតជាមួយក្រុមកំពូលតារាង La Liga នោះ ត្រឹមតែ៥ពិន្ទុប៉ុណ្ណោះ។
ការប្រកួតបន្ទាប់របស់ក្រុម Real Madrid នឹងត្រូវធ្វើឡើងនៅពាក់កណ្ដាលសប្ដាហ៍នេះ ដោយប៉ះជាមួយក្រុម CSKA Moscow ក្នុងពានរង្វាន់ UEFA Champions League វគ្គសន្សំពិន្ទុក្នុងពូល។ ខណៈដែលប៉ះក្រុមរុស្ស៊ីនេះ គឺគ្រាន់តែប្រកួតបង្គ្រប់កិច្ចប៉ុណ្ណោះ ព្រោះពួកគេបានឡើងទៅវគ្គបន្ដជាស្រេចទៅហើយ៕ប្រភពDailyMail
