ក្រុម River Plate បានលើកពានរង្វាន់ Libertadores បានសម្រេច ក្រោយពីយកឈ្នះលើក្រុម Boca Junior ក្នុងលទ្ធផល ៣-១ នៅជើងទី២ ទឹកដីអេស្ប៉ាញ។
ការប្រកួតនៅជើងទី២ នៅទឹកដី Bernabue ក្រុមទាំងពីរលេង ដោយមិនខ្លាចអ្នកគាំទ្រសងខាងឡើយ ព្រោះថាវាជាដីកណ្ដាល។ យ៉ាងណាមិញ ការប្រកួតនេះ Boca ឯណោះទេ ជាអ្នករកគ្រាប់បាល់នាំមុខបាននៅនាទី ៤៤ ដោយកីឡាករ Benedetto ។ យ៉ាងណាមិញ ការនាំមុខនេះមិនអាចរក្សាដល់ចប់ការប្រកួតទេ ពោលគឺត្រឹមនាទី៦៨ Pratto អាចរកបាន១គ្រាប់វិញឱ្យ River Plate តាមបានស្មើ។ លទ្ធផល ១-១ នេះរក្សាដល់ចប់ការប្រកួត។
នៅម៉ោងបន្ថែម១៥នាទីពីរដង នេះហើយ ទើបជាការកាត់សេចក្ដីរកអ្នកចាញ់ ឈ្នះ។ Quinter របស់ក្រុម River Plate អាចទម្លាញ់សំណាញ់ទីរបស់ក្រុម Boca បាននៅនាទី១០៩ ធ្វើការនាំមុខ រហូតដល់នាទី១២០+២ ទើប Martinez អាចរកគ្រាប់បាល់បាន១គ្រាប់ទៀត ដែលជាគ្រាប់បាល់ទី៣នៃការប្រកួត។ លទ្ធផល ៣-១ នេះ បានធ្វើឱ្យ River Plate គ្រងជើងឯក Libertadores ដែលជាពានរង្វាន់ធំប្រចាំតំបន់អាមេរិកខាងត្បូងហើយ៕ប្រភពDailyMail