Aston Villa កំពុងថ្លឹងថ្លែងក្នុងការដេញថ្លៃសម្រាប់ខ្សែប្រយុទ្ធ Matheus Cunha របស់ Wolves បន្ទាប់ពីលក់ Jhon Duran ទៅឱ្យ Al-Nassr ។

Aston Villa នឹងដាក់ប្រាក់ ៦៥លានផោន បូកបន្ថែមកម្មវិធីបន្ថែមសម្រាប់ Duran ដែលនឹងបញ្ចប់ការផ្លាស់ប្តូររបស់គាត់នៅថ្ងៃសុក្រ ហើយចង់ប្រើប្រាស់មូលនិធិទាំងនោះដើម្បីពង្រឹងតំបន់ប្រយុទ្ធរបស់លោក Unai Emery សម្រាប់វគ្គ ១៦ក្រុមនៅពានអឺរ៉ុប។

Aston Villa អាច​បន្ថែម​កីឡាករ​ថ្មី​បី​នាក់​ ទៅក្នុង​ក្រុម​ Champions League របស់​ពួក​គេ។ Cunha មានតម្លៃប្រហែល ៧០លានផោន ហើយនៅសល់កុងត្រា ២ឆ្នាំកន្លះជាមួយ Wolves ។ កីឡាករវ័យ ២៥ឆ្នាំ ដែលមានតម្លៃខ្លួន ៤០លានផោននៅពេលដែលគាត់បានផ្លាស់ទៅ Molineux ពីអតីតក្លឹប Atletico Madrid ដោយស៊ុតបញ្ចូលទីបាន ២៤ គ្រាប់ និងផ្តល់ Assists ១១ដង ក្នុងអាជីព ៧១ប្រកួតនៅ Premier League របស់គាត់រហូតមកដល់បច្ចុប្បន្ន។

ខ្សែប្រយុទ្ធ Cunha មិន​មែន​ជា​កីឡាករ​តែ​ម្នាក់​គត់​ដែល Aston Villa ចាប់​អារម្មណ៍​នោះ​ទេ។ ពួកគេ​ក៏​កំពុង​បន្ត​ពិភាក្សា​លើ​ខ្សែ​ប្រយុទ្ធ Joao Felix របស់ Chelsea និង​ខ្សែ​បម្រើ​ស្លាប Marco Asensio របស់ PSG ផង​ដែរ។

Mathys Tel របស់ Bayern Munich គឺជាកីឡាករម្នាក់ទៀតដែលស្ថិតក្រោមការពិចារណា ខណៈដែល Aston Villa នៅតែមានសង្ឃឹមក្នុងការចុះហត្ថលេខាលើ Axel Disasi ពី Chelsea ។ ទន្ទឹមនឹងនេះដែរ Villa មានការស្ទាក់ស្ទើរក្នុងការលក់ Ollie Watkins ទៅឱ្យ Arsenal ។ ក្រុមកាំភ្លើងធំត្រូវបានគេរំពឹងថានឹងធ្វើការដេញថ្លៃជាលើកទីពីរសម្រាប់ខ្សែប្រយុទ្ធអង់គ្លេសបន្ទាប់ពីបានឃើញការផ្តល់ជូនដំបូងដែលមានតម្លៃប្រហែល 60 លានផោនត្រូវបានបដិសេដ ។

បើទោះបីជា Aston Villa មានការជំទាស់ និងស្ទាក់ស្ទើរក្នុងការលក់ក៏ដោយ វាត្រូវបានគេយល់ថា Watkins នឹងបើកចំហរក្នុងការចូលរួមជាមួយក្រុមកាំភ្លើងធំ មុនពេលទីផ្សារដោះដូរកីឡាករបិទនៅយប់ថ្ងៃចន្ទខាងមុខនេះ ៕

ប្រភព បរទេស