Barcelona រកឃើញថាពួកគេស្ថិតក្នុងស្ថានភាពដ៏អាក្រក់មួយ ទាក់ទងនឹងការចុះឈ្មោះ Dani Olmo និង Pau Victor បន្ទាប់ពី La Liga បានបញ្ជាក់ថា Blaugrana មិនបានផ្តល់ជំនួយណាមួយក្នុងការចុះឈ្មោះពួកគេមុនកាលបរិច្ឆេទផុតកំណត់ខែមករានោះទេ។ ខណៈ​ដែល​អ្វីៗ​ស្ថិត​នៅ​ដដែល ​អ្នកទាំង​ពីរ​នឹងមិន​អាច​លេង​បាន​ពេញ​មួយ​រដូវ​កាល​នេះ​ទេ។

រឿងនេះត្រូវបានគេរាយការណ៍ថាអ្នកទាំងពីរចង់បន្តនៅក្លឹប ហើយនៅក្នុងករណីរបស់ Olmo ត្រូវបានបញ្ជាក់ដោយភ្នាក់ងាររបស់គាត់។ អតីតខ្សែប្រយុទ្ធ RB Leipzig ថែមទាំងមាន”ឃ្លា”មួយនៅក្នុងកិច្ចសន្យាដែលអនុញ្ញាតឱ្យគាត់ចាកចេញដោយសេរី ប្រសិនបើគាត់មិនត្រូវបានចុះឈ្មោះជាមួយនឹងទឹកប្រាក់ចំនួន ៤៨លានអឺរ៉ូពីកិច្ចសន្យារយៈពេល ៦ឆ្នាំរបស់គាត់។ ចំណែក Victor គាត់នឹងគោរពតាមការចង់បានរបស់ក្លឹប Barcelona ប៉ុន្តែត្រូវបានផ្សារភ្ជាប់ជាមួយនឹងការផ្លាស់ទៅ Real Betis ប្រសិនបើគាត់មិនត្រូវបានចុះឈ្មោះក្នុងលក្ខខណ្ឌខ្ចីជើង។

ទោះបីជាយ៉ាងណាក៏ដោយ វាហាក់បីដូចជាពួកគេនឹងត្រូវបានកំណត់សម្រាប់ការចាកចេញក្នុងលក្ខខណ្ឌណាក៏ដោយ លុះត្រាតែ Barcelona អាចរកវិធីដើម្បីចុះឈ្មោះពួកគេបាន។ យោងតាមកាសែត ​​MD ពួកគេទាំងពីរមិនអាចចាកចេញដោយលក្ខខណ្ឌខ្ចីជើង ដោយមិនទាន់បានចុះបញ្ជីនោះទេ។  កីឡាករត្រូវតែចុះឈ្មោះជាមួយក្រុមជាមុនសិន មុនពេលពួកគេអាចត្រូវបានខ្ចី នេះបានធ្វើឱ្យបញ្ហារបស់ពួកគេកាន់តែធ្ងន់ធ្ងរ ៕

ប្រភព បរទេស