លោក Sarri អ្នកចាត់ការក្រុម Chelsea គិតថាជ័យជម្នះលើក្រុម Manchester City ២-០ នៅយប់មិញនេះ គ្រាន់តែជាសំណាងមួយប៉ុណ្ណោះ។Chelsea បានបញ្ចប់ភាពមិនចាញ់របស់ក្រុម Man City បានហើយកាលពីយប់មិញនេះ ដោយរកបាន២គ្រាប់ ក្នុងនោះ N’Golo Kante និង David Luiz គឺជាអ្នកស៊ុតបញ្ចូលទី។ ត្បិតតែឈ្នះក្រុមខ្លាំងកំពូលតារាងមែន ប៉ុន្តែលោក Sarri ដែលជាអ្នកចាត់ការបានបញ្ជាក់ថានេះគ្រាន់តែជាសំណាងមួយប៉ុណ្ណោះដែលក្រុមធ្វើបានល្អ ហើយទទួលបានលទ្ធផល៣ពិន្ទុ។
មួយវិញទៀត ត្បិតតែយកបាន៣ពិន្ទុនេះ មែនប៉ុន្តែវាពិតជាពិបាកណាស់ក្នុងការបញ្ឈប់ក្រុម Man City ក្នុងការឈ្នះជើងឯកនារដូវកាលនេះ។សូមបញ្ជាក់ថាបរាជ័យយប់មិញនេះ បានធ្វើឱ្យក្រុម Man City ធ្លាក់ចេញពីកំពូលតារាងទៅហើយ ដោយឡើងជំនួសវិញពីក្រុម Liverpool ដែលបានយកឈ្នះលើក្រុម AFC Bournemouth ក្នុងលទ្ធផល ៤-០៕
ប្រភព៖ DailyMail
