តារាឆ្នើមរបស់ក្លឹប Sporting Viktor Gyokeres បានបញ្ជាក់ថា អ្នកចាត់ការទូទៅដែលចាកចេញគឺ Ruben Amorim នឹងនាំយកបុគ្គលិកមួយចំនួនជាមួយគាត់ទៅកាន់ Manchester United ។
Amorim ត្រូវបានប្រកាសជាអ្នកចាត់ការថ្មីរបស់ Man United ប៉ុន្តែគាត់នឹងមិនចូលកាន់តំណែងជាផ្លូវការទេរហូតដល់ថ្ងៃទី១១ ខែវិច្ឆិកា។ គាត់នៅសល់មួយប្រកួតទៀតក្នុងបន្ទុក Sporting គឺការធ្វើដំណើរទៅកាន់ផ្ទះ Braga នៅថ្ងៃទី១០ ខែវិច្ឆិកា ខណៈដែលការប្រកួតក្នុងផ្ទះចុងក្រោយរបស់គាត់គឺយកឈ្នះក្រុមខ្លាំងមកពីអង់គ្លេស Man City យ៉ាងត្រចះត្រចង់។ Gyokeres គឺជាតារាលិចធ្លោក្នុងការប្រកួតនេះ ខណៈដែល Sporting បានយកឈ្នះ Manchester City ក្នុងលទ្ធផល ៤-១ ក្នុងក្របខ័ណ្ឌ Champions League ។ អតីតខ្សែប្រយុទ្ធក្រុម Coventry បានស៊ុតបាល់បញ្ចូលទីបាន ៣គ្រាប់ ខណៈដែល Maximiliano Araujo ក៏រកបានគ្រាប់បាល់តាមពីក្រោយផងដែរ។
សមាសភាពបុគ្គលិកផ្នែកខាងក្រោយរបស់ Amorim នៅ Man United មិនទាន់ត្រូវបានបញ្ជាក់នៅឡើយទេ ប៉ុន្តែរបាយការណ៍បានអះអាងថាគាត់ចង់បានគ្រូបង្វឹកចំនួន ៤នាក់ និងអ្នកវិទ្យាសាស្ត្រកីឡាម្នាក់ដើម្បីធ្វើការផ្លាស់ប្តូរទៅកាន់ Manchester ជាមួយគាត់។ ហើយនៅពេលត្រូវបានសួរអំពីការចាកចេញរបស់ Amorim Gyokeres បានបញ្ជាក់ថា បុគ្គលិក Sporting ជាច្រើននាក់ក៏នឹងចាកចេញជាមួយគាត់ផងដែរ។ Gyokeres បានប្រាប់ UEFA ថា ៖
“យើងនឹងនឹកគាត់ខ្លាំងណាស់” ។
“ពួកយើងបានធ្វើរឿងដ៏អស្ចារ្យជាមួយគ្នា។ យើងនឹងនឹកគាត់ និងគ្រូផ្សេងទៀតនៅក្នុងបុគ្គលិកដែលនឹងចាកចេញ។ យើងត្រូវទន្ទឹងរង់ចាំ និងវាយលុកការប្រកួតប្រជែងបន្ទាប់នៅខាងមុខយើង”។
ដោយនិយាពីការប្រកួតទាំងមូល លោកបានបន្ថែមថា៖
“វាជាការល្អក្នុងការស៊ុតបាល់បញ្ចូលទី ហើយរឹតតែល្អជាងក្នុងការស៊ុតបាល់បញ្ចូលទីបាន Hat-trick។ អ្វីដែលសំខាន់បំផុតគឺការឈ្នះការប្រកួត ដូច្នេះវាជារាត្រីដ៏អស្ចារ្យសម្រាប់យើង”។
ទន្ទឹមនឹងនេះ Amorim បានព្យាយាមលេងលទ្ធផលបន្ទាប់ពីការប្រកួត គាត់បាននិយាយថា៖
“អ្វីដែលខ្ញុំអាចប្រាប់អ្នកបានគឺថា លទ្ធផល នេះមិនមានន័យអ្វីជាពិសេស កុំយកអ្វីពីនេះ ទៅនិយាយ ។ យើងមិនអាចនាំការពិតមួយទៅកាន់មួយផ្សេងទៀតបានទេ។ Manchester United មិនអាចលេងតាមរបៀបដែលយើងលេងបានទេ ហើយយើងនឹងត្រូវសម្របខ្លួន។
“វាជាការយល់ច្រឡំ ពួកយើងពិតជាសំណាងណាស់ថ្ងៃនេះ ប៉ុន្តែអារម្មណ៍ជាមួយកីឡាកររបស់ខ្ញុំ របៀបដែលពួកគេអបអរជាមួយអ្នកគាំទ្រគឺពិសេសណាស់។ ខ្ញុំយកភាពរីករាយនេះទៅជាមួយខ្ញុំ ប៉ុន្តែពេលខ្ញុំមកដល់ Premier League វាជាពិភពខុសគ្នា សម្ពាធខុសគ្នា។ វានឹងមានភាពសប្បាយរីករាយណាស់ ហើយខ្ញុំបានត្រៀមខ្លួនជាស្រេចសម្រាប់ការប្រកួតប្រជែងនេះ”។
ប្រភព បរទេស
