Ruben Amorim អាចព្យាយាមនាំយកកីឡាករបីនាក់មកជាមួយគាត់ពី Sporting Lisbon បន្ទាប់ពីបានចុះចេញពីតំណែង មកធ្វើជាអ្នកចាត់ការក្លឹប Manchester United ។

គ្រូបង្វឹកសញ្ជាតិព័រទុយហ្គាល់ចាប់ផ្តើមធ្វើការនៅ Old Trafford នៅថ្ងៃទី១១ ខែវិច្ឆិកា បន្ទាប់ពី Man United បានឈានដល់កិច្ចព្រមព្រៀងមួយដើម្បីដណ្តើម គ្រូបង្វឹកដែលឈ្នះជើងឯកលីកកំពូលព័រទុយហ្គាល់ពីរសម័យកាល។ ហើយទោះបីជា Erik ten Hag ជាអ្នកកាន់តំណែងមុនប្រឈមមុខនឹងការរិះគន់ជាច្រើនក្នុងការចុះហត្ថលេខាលើអតីតកូនសិស្សរបស់គាត់ពី Ajax ក៏ដោយ ក៏ Amorim អាចមើលទៅធ្វើដូចគ្នានៅរដូវក្តៅក្រោយ។

គាត់បានច្រានចោលការដេញថ្លៃណាមួយសម្រាប់តារា Sporting ក្នុងខែមករា ប៉ុន្តែអាចសាកល្បង និងចុះឈ្មោះដាក់ក្នុងបញ្ជីរបស់គាត់ជាមួយនឹងសន្លឹកអាត់ចំនួន ៣ នៅរដូវក្តៅក្រោយ។

កាសែត The Sun បានរាយការណ៍ថា Man United អាចចំណាយប្រាក់ប្រមាណ ១៧៦លានផោន លើខ្សែប្រយុទ្ធ ខ្សែការពារកណ្តាល និងខ្សែបម្រើកណ្តាល ហើយប្រធានក្លឹប Sporting រំពឹងថានឹងមានការភ្ញាក់ផ្អើលកើតឡើង។ នេះមិនមែនជារឿងភ្ញាក់ផ្អើលទេដែលលឺឈ្មោះ Viktor Gyokeres ក្នុងចំណោមអ្នកទាំងបី។ អតីតខ្សែប្រយុទ្ធក្រុម Coventry រកបាន ៤៣គ្រាប់ កាលពីរដូវកាលមុន ហើយកំពុងមាន ១៨គ្រាប់ ហើយក្នុងរដូវកាលនេះ។

Gyokeres មានវ័យ ២៦ឆ្នាំ មានលក្ខខណ្ឌផ្ទេរចេញ ៨៤ លានផោន ដោយបានបដិសេធមិនព្រមផ្លាស់ទៅ Premier League ។ ហើយ Arsenal ក៏បានដាក់ឈ្មោះក្នុងចំណោមកីឡាករដែលពួកគេចាប់អារម្មណ៍ផងដែរ។

“ទៅជាមួយ Amorim ទៅ Man United? ខ្ញុំមិនដឹងទេ… ខ្ញុំនៅទីនេះ”។ គាត់បាននិយាយ។ ដូច​ដែល​អ្នក​បាន​ឃើញ ខ្ញុំ​រីករាយ​នឹង​ការនៅ Sporting។ នេះមិន​មាន​ជាអ្វី​ដែល​ខ្ញុំ​ត្រូវគិត​ពី​រឿងនេះទេ។ ខ្ញុំ​គ្រាន់​តែ​សោក​ស្តាយ​ចំពោះ​ការ​ចាកចេញ​របស់គាត់ (Amorim)។ យើងសូមជូនពរឱ្យគាត់មានសុខភាពល្អ “។

ជាមួយ Gyokeres បិសាចក្រហមអាចនឹងទាក់ទងខ្សែការពារកណ្តាល Goncalo Inacio វ័យ ២៣ឆ្នាំ និងខ្សែបម្រើ Morten Hjulmand អាយុ ២៥ឆ្នាំ។ Ma United បានដាក់គោលដៅលើ Inacio រួចហើយនៅរដូវក្ដៅនេះ បើយោងតាមការផ្សាយរបស់ព័រទុយហ្គាល់ Record និង O Jogo។ Arsenal ក៏​ត្រូវ​បាន​គេ​រាយការណ៍​ថា​ចង់​បាន​គាត់​នៅ​ខែ​ធ្នូ​ឆ្នាំ ២០២៣ ហើយ​គាត់​មាន​លក្ខខណ្ឌ​ផ្ទេរចេញដែល​ត្រូវ​បាន​គេ​រាយការណ៍​ថា ៥១លាន​ផោន។

Inacio បានឈ្នះពានរង្វាន់លីគព័រទុយហ្គាល់ចំនួនពីរ League Cups ចំនួនពីរ និង Super Cup ចាប់តាំងពីបានឈានជើងទៅក្រុមដំបូងរបស់ Sporting ក្នុងរដូវកាល ២០២០-២១។ គាត់ក៏បានចូលរួម ១២ ដងសម្រាប់ជម្រើសជាតិព័រទុយហ្គាល់ និងបានបង្ហាញខ្លួនពីរដងនៅ Euro ២០២៤ ។ ខណៈពេលដែលគាត់ជាជម្រើសកណ្តាល Amorim ក៏បានដាក់គាត់នៅខ្សែការពារឆ្វេងផងដែរ។

ទន្ទឹមនឹងនេះដែរខ្សែបម្រការពារ Hjulmand ត្រូវបានគេចាត់ទុកថាជា “អ្នកជំនួស Casemiro” ទោះបីជាគាត់មានផ្លូវវែងឆ្ងាយក្នុងការបន្ដនៅក្នុងនាមជាកីឡាករប្រេស៊ីលក៏ដោយ។ Hjulmand គាត់បានឈ្នះពានមួយជាមួយ Sporting បន្ទាប់ពីចំណាយពេលពីររដូវកាលចុងក្រោយជាមួយក្លឹបយក្សព័រទុយហ្គាល់។ កីឡាករសញ្ជាតិ ដេណឺម៉ាក់រូបនេះ បានចាប់ផ្តើមអាជីពរបស់គាត់ជាមួយក្រុម Admira Wacker នៅប្រទេសអូទ្រីស មុនពេលចូលរួមជាមួយ Lecce ក្នុងប្រទេសអ៊ីតាលី។

កាសែត The Sun បានអះអាងថាគាត់នឹងត្រូវចំណាយប្រហែល ៤០លានផោន។ Hjulmand បានស៊ុតបញ្ចូលទីគួរឱ្យភ្ញាក់ផ្អើលនៅ Euro ២០២៤ ទល់នឹងក្រុមអង់គ្លេស។ ទោះយ៉ាងណាក៏ដោយ មានព័ត៌មានលម្អិតមួយដែល Mam United គួរតែប្រុងប្រយ័ត្ន។  ខ្សែបម្រើរូបនេះគឺជាអ្នកគាំទ្រក្រុម Arsenal ដ៏ងុបងុល ហើយថែមទាំងមានស្នាមសាក់ ឈ្មោះក្លឹបនៅលើដៃឆ្វេងរបស់គាត់ផងដែរ។

ប្រសិនបើ Sporting មានការភ័យខ្លាចចំពោះការចាកចេញរបស់ Amorim ធ្វើឱ្យរដូវកាលរបស់ពួកគេធ្លាក់ចុះ ពួកគេអាចនឹងមានការលួងលោមក្នុងការធានារបស់ Amorim ថាគាត់មិនចង់បានកីឡាករក្លឹបចាស់របស់គាត់ក្នុងខែមករានេះទេ។

ដោយគាត់បាននិយាយថា៖ “ខ្ញុំនឹងមិនយកកីឡាករណាមួយពី Sporting ក្នុងខែមករាទេ។ Gyokeres មានតម្លៃ 100 លានអឺរ៉ូ ហើយវាពិតជាលំបាកខ្លាំងណាស់”។

ប្រភព បរទេស