ក្នុងរយៈពេលប៉ុន្មានខែចុងក្រោយនេះ Barcelona បានចាប់ផ្តើមស្វែងរកអ្នកស្នងតំណែង Robert Lewandowski ដែលអាចទៅរួច។ ទោះបីជាខ្សែប្រយុទ្ធប៉ូឡូញស្ថិតក្នុងទម្រង់ដ៏អស្ចារ្យក៏ដោយ ដោយបានស៊ុតបញ្ចូលទីបាន ១៧គ្រាប់ នៅគ្រប់ការប្រកួតទាំងអស់ក្នុងរដូវកាលនេះ ប៉ុន្តែឥឡូវនេះគាត់មានអាយុ ៣៦ឆ្នាំ ទៅហើយ ដូច្នេះការស្វែងរកអ្នកជំនួសរយៈពេលវែងនឹងត្រូវបានទាមទារក្នុងពេលឆាប់ៗនេះ។

កីឡាករម្នាក់ដែលត្រូវបានផ្សារភ្ជាប់ជាមួយនឹងក្លឹប Barcelona ក្នុងប៉ុន្មានសប្តាហ៍ថ្មីៗនេះគឺ Viktor Gyokeres ដែលខ្លួនគាត់ផ្ទាល់បានចាប់ផ្តើមយុទ្ធនាការនៅរដូវកាល ២០២៤-២៥ (២០គ្រាប់ ក្នុងការបង្ហាញខ្លួន ១៦ដងសម្រាប់ Sporting CP) ។ ហើយដោយយោងទៅតាម A Bola (តាមរយៈ Sport) កិច្ចព្រមព្រៀងដែលបានស្នើឡើងកំពុងត្រូវបានតម្រង់ជួរដោយក្លឹបឈរលើកំពូលតារាង La Liga ។

យោងតាមរបាយការណ៍ពីក្លឹប Sporting បានកំណត់តម្លៃស្នើសុំ ៦០-៧០ លានអឺរ៉ូសម្រាប់ Gyokores ទោះបីជា Barcelona នឹងសង្ឃឹមថានឹងកាត់បន្ថយតួលេខនេះយ៉ាងខ្លាំងដោយរួមបញ្ចូល Vitor Roque ជាផ្នែកក្នុងកញ្ចប់កីឡាករបូកបន្ថែមសាច់ប្រាក់មួយចំនួន។

ក្លឹប Sporting បានព្យាយាមចុះហត្ថលេខាលើ Roque ក្នុងអំឡុងពេលរដូវក្តៅ ប៉ុន្តែកីឡាករវ័យ ១៩ឆ្នាំរូបនេះបានបដិសេធការផ្លាស់ប្តូរនេះ ខណៈដែលបំណងរបស់គាត់គឺចង់បន្តនៅក្នុងប្រទេសអេស្ប៉ាញ។ គាត់ត្រូវបានគេព្យាករណ៍ថានឹងត្រលប់ទៅ Barcelona វិញនៅរដូវក្តៅក្រោយបន្ទាប់ពីការខ្ចីរបស់គាត់នៅ Real Betis ហើយនៅពេលនោះការផ្លាស់ប្តូរទៅកាន់ប្រទេសព័រទុយហ្គាល់អាចនឹងមានម្តងទៀត។

ប្រភព បរទេស