Shoya Nakajima ខ្សែបម្រើសញ្ជាតិជប៉ុន នឹងផ្លាស់ទៅលេងនៅក្លឹប Wolves របស់លីគកំពូលអង់គ្លេស ក្រោយពីការចរចាគ្នាត្រូវរ៉ុវដល់៨០% ហើយ។
Shoya ជាកីឡាករវ័យ២៤ឆ្នាំ និងចាប់ផ្ដើមមានទម្រង់លេងទាក់ចិត្តនៅឆ្នាំ២០១៨នេះ ក្រោយពីបានឱកាសបង្ហាញខ្លួនក្រុមក្នុងជម្រើសជាតិជប៉ុន។ ខ្សែបម្រើរូបនេះក៏ត្រូវបានក្លឹប Dortmund និង Leicester City មើលផងដែរ ប៉ុន្តែប្រហែលជាក្លឹប Wolves របស់អង់គ្លេសមានឱកាសជាង ព្រោះបានផ្ដល់តម្លៃខ្លួនដល់ទៅ១៧លានផោនឯណោះ។
Shoya ជាកីឡាករថ្នាលរបស់ក្រុម Tokyo Verdy និងបានចូលលេងក្រុមធំតាំងពីឆ្នាំ២០១២ម្ល៉េះ គ្រាដែលរូបគេទើបមានវ័យ១៦ឆ្នាំ។ ជាប់លេងឱ្យក្រុមជម្រើសជាតិតាំងពី U17 រហូតមក ដោយទើបតែមានឱកាសបានលេងក្រុមធំនៅឆ្នាំ២០១៨នេះ បង្ហាញខ្លួនបាន៦ប្រកួត និងរកគ្រាប់បាល់បាន២គ្រាប់ផងដែរ៕ប្រភពDailyMail