លោក Park Hang-seo គ្រូបង្វឹកវៀតណាម បាននាំក្រុមមួយនេះស្គាល់វគ្គផ្ដាច់ព្រ័ត្រពានរង្វាន់ AFF Suzuki Cup ម្ដងទៀតហើយ ក្រោយពីខកខាន១០ឆ្នាំមកហើយ។វៀតណាមបានយកឈ្នះហ្វីលីពីនទាំង២ជើងតែម្ដង ក្នុងការប្រកួតវគ្គពាក់កណ្ដាលផ្ដាច់ព្រ័ត្រពានរង្វាន់ AFF Suzuki Cup នេះ។ ដោយកាលនៅដីហ្វីលីពីន ក្រុមវៀតណាមយកឈ្នះក្នុងលទ្ធផល ២-១ និងដីខ្លួនឯង ឈ្នះក្នុងលទ្ធផល ២-១ ទៀត។ ជ័យជម្នះនេះដែរ បានធ្វើឱ្យវៀតណាមកំពុងរក្សាកំណត់ត្រាឈ្នះរហូតតែម្ដងក្នុងប៉ុន្មានប្រកួតចុងក្រោយនេះ។
លោក Park គ្រូវៀតណាម បាននិយាយដូច្នេះថា៖ “ខ្ញុំសប្បាយចិត្តដែលជួយវៀតណាមឡើងដល់វគ្គផ្ដាច់ព្រ័ត្រម្ដងទៀត។ អរគុណដល់អ្នកគាំទ្រ និងកីឡាករទាំងអស់ដែលប្រឹងប្រែងរហូតដល់តំណាក់កាលនេះ។ ប៉ុន្តែ ខ្ញុំក៏ស្នើសុំពួកគេ កុំប្រៀបធៀបខ្ញុំជាមួយលោក Eriksson គ្រូបង្វឹកហ្វីលីពីនអី។ បើទោះខ្ញុំដឹកនាំក្រុមឈ្នះគាត់២ប្រកួតមែន ប៉ុន្តែខ្ញុំនៅមានកម្រិតនៅឡើយមិនអាចស្មើគាត់ទេ។ គាត់ជាអ្នកដឹកនាំកម្រិតកំពូលម្នាក់ World Class ហើយខ្ញុំតែងតែគោរពគាត់ជានិច្ច”។
ក្រុមវៀតណាម នឹងត្រូវប៉ះក្រុមម៉ាឡេស៊ីនៅវគ្គផ្ដាច់ព្រ័ត្រ ដោយជើងទី១ លេងនៅថ្ងៃទី១១និងជើងទី២លេងនៅថ្ងៃទី១៥ខែធ្នូឆ្នាំ២០១៨នេះ៕ប្រភពFoxsportsasia
