ក្រោយពីយកឈ្នះលើក្រុមថៃ ឡើងវគ្គផ្ដាច់ព្រ័ត្រហើយ ក្រុមជម្រើសជាតិម៉ាឡេស៊ី ក៏បាន Troll ទៅលើអ្នកចាំទីថៃដែលបាននិយាយឌឺដងពួកគេនៅមុនការប្រកួតដែរ។
អ្នកចាំទីជម្រើសជាតិថៃ Chatchai Budprom បានជូនពរឱ្យក្រុមជម្រើសជាតិម៉ាឡេស៊ីទាំងអស់គេងលក់ឱ្យស្រួលនិងសុបិនល្អនៅរាត្រីមុនការប្រកួត ព្រោះថាការប្រកួតចាប់ផ្ដើម ពួកគេនឹងជួបសុបិនអាក្រក់ជាក់ជាមិនខាន។ ប៉ុន្តែពេលប្រកួតមកដល់ ការនិយាយនោះហាក់ដូចជាខុសឆ្ងាយខ្លាំង ព្រោះក្រុមរបស់ខ្លួនឯងទេ ដែលធ្លាក់ចេញពីវគ្គនេះ ខណៈដែលម៉ាឡេស៊ីវិញពួកគេបានឡើងទៅដល់វគ្គផ្ដាច់ព្រ័ត្រឯណោះ។
ដើម្បីជាការឆ្លើយតបទៅវិញដែរនោះ ក្រុមម៉ាឡេស៊ីក៏បានធ្វើវីដេអូមួយ ដោយពួកគេធ្វើជាគេងលក់ យ៉ាងស្រួល ហើយក្រោកមកវិញជាមួយការសប្បាយរីករាយ និងបានហៅឈ្មោះអ្នកចាំទី Chatchai រហូតផងដែរ។ ដោយវីដេអូនោះ ត្រូវបានអ្នកគាំទ្រម៉ាឡេស៊ីចែកចាយច្រើនមែនទែននៅលើបណ្ដាញសង្គមនានា៕ប្រភពFoxsportsasia
