ពានរង្វាន់ AFF Suzuki Cup 2018 វគ្គពាក់កណ្ដាលផ្ដាច់ព្រ័ត្រជើងទី២ រវាងក្រុមថៃនិងម៉ាឡេស៊ី នឹងចាប់ផ្ដើមនៅម៉ោង៧ល្ងាចនេះហើយ។ ខណៈដែលជើងទី១កន្លងទៅ ក្រុមទាំងពីរនេះបានបញ្ចប់ត្រឹមស្មើគ្នា ០-០ ប៉ុណ្ណោះ។
មុនការប្រកួតនេះចាប់ផ្ដើមលោក Milovan Rajevac គ្រូបង្វឹកក្រុមជម្រើសជាតិថៃ បាននិយាយថា៖ “ជើងទី១ទឹកដីម៉ាឡេស៊ី យើងមិនបានលេងការពារទេ ប៉ុន្តែបរិយាកាសនៅ Bukit Jalil ធ្វើឱ្យយើងលេងមិនល្អឡើយ។ តែទោះជាយ៉ាងនេះក្ដី នៅថ្ងៃនេះ ជារឿងផ្សេង១ទៀត ព្រោះយើងលេងនៅក្នុងផ្ទះរបស់យើង អ្នកគាំទ្រជាច្រើននឹងគាំទ្រយើង។ យើងនឹងស៊ុតបញ្ចូលទីឱ្យច្រើនបំផុតតាមដែលអាចធ្វើបាន ដើម្បីឈ្នះការប្រកួតនេះ”។
ដោយឡែក លោក Tan Cheng Hoe គ្រូបង្វឹកក្រុមម៉ាឡេស៊ីវិញ ក៏និយាយដែរថាក្រុមរបស់លោក មកលេងនៅទឹកដីថៃនេះ មិនមែនមកចាញ់នោះទេ។ ពួកគេចង់បានជ័យជម្នះត្រលប់ទៅផ្ទះវិញ ដើម្បីអ្នកគាំទ្រម៉ាឡេស៊ីទាំងអស់ ដែលលើកទឹកចិត្តក្រុមទាំងមូល៕ប្រភពFoxsportsasia
