Real Madrid មានចំណាប់អារម្មណ៍រយៈពេលវែងលើខ្សែការពារឆ្វេង Alphonso Davies របស់ Bayern Munich ហើយខណៈពេលដែលគាត់កំពុងពិភាក្សាជាមួយក្លឹបយក្ស Bavarian ជុំវិញកិច្ចព្រមព្រៀងថ្មី វាហាក់ដូចជាគាត់នឹងចូលរួមជាមួយ Los Blancos រួចបាត់ទៅហើយ។ ដំណឹង​ដែល​ចេញ​ពី​ទីក្រុង Munich គឺ​ថា​វា​នឹង​អាចកើតឡើង​នៅ​រដូវ​ក្ដៅ​នេះ។

វាមិនមែនជារឿងអាថ៌កំបាំងទេដែល Real Madrid មានឆន្ទៈក្នុងការរង់ចាំ Davies មកដល់នៅឆ្នាំក្រោយដោយគ្មានតម្លៃខ្លួន ខណៈដែល Ferland Mendy កំពុងបង្ហាញទម្រង់បានយ៉ាងល្អគួរឱ្យកោតសរសើរនៅឆ្នាំនេះ។ អាស្រ័យលើរបាយការណ៍ផ្សេងៗ Real Madrid សុខចិត្តចំនាយពី ៣០-៣៥លានអឺរ៉ូ ដើម្បីចុះហត្ថលេខាលើ Davies នៅឆ្នាំនេះ ប៉ុន្តែរហូតមកដល់ពេលនេះ Bayern នៅតែប្រកាន់ខ្ជាប់នូវតម្លៃ ៥០លានអឺរ៉ូ ដដែល។

យោងតាមអ្នករាយការណ៍របស់សារព៌តមាន Kicker លោក Georg Holzner បាននិយាយថា ទោះបីជា និន្នាការច្បាស់លាស់ គឺថា Davies ទំនងជានឹងចាកចេញពីក្លឹបនៅរដូវក្តៅនេះជាជាងនៅរដូវកាលបន្ទាប់។ វាច្បាស់ជាទាមទារឱ្យមានការសម្របសម្រួលពី Bayern Munich លើតម្លៃថ្លៃរបស់គាត់។

ប្រភពមួយចំនួនបានបញ្ជាក់ថា Real Madrid បានយល់ព្រមលើលក្ខខណ្ឌផ្ទាល់ខ្លួនជាមួយ Davies តាំងពីខែមីនាមកម្ល៉េះ ដែលធ្វើឲ្យ Bayern ស្ថិតក្នុងស្ថានភាពដ៏ពិបាកមួយក្នុងការសម្រេចចិត្ត។ ប្រសិនបើ Davies មកដល់ទីក្រុងម៉ាឌ្រីត នោះវានឹងក្លាយជាការអភិវឌ្ឍន៍ដ៏គួរឱ្យចាប់អារម្មណ៍មួយ ខណៈដែលពួកគេកំពុងចរចារកិច្ចសន្យាថ្មីសម្រាប់ Ferland Mendy។ គ្រូបង្វឹកអធិរាជសរ លោក Carlo Ancelotti ដែលជាអ្នកពេញចិត្ត Mendy បានអះអាងថា គាត់កំពុងមានខ្សែការពារស្លាបឆ្វេងដ៏ល្អបំផុតនៅក្នុងពិភពលោក និងជាខ្សែការពារស្លាបឆ្វេងដែលវាយបកប្រយុទ្ធល្អបំផុតនៅលើពិភពលោក ៕

ប្រភព បរទេស