Mbappe ៖ ​គោល​បំណង​ធំ​របស់​ខ្ញុំ គឺ​ឈ្នះ​ពាន​រង្វាន់​គ្រប់​យ៉ាង

ខ្សែ​ប្រយុទ្ធ​ Kylian Mbappe ​បាន​ឈ្នះ​ពាន​រង្វាន់​ Trophee Kopa ​កីឡាករ​វ័យ​ក្មេង​ឆ្នើម​បំផុត ​របស់​ទស្សនាវដ្ដី​បារាំង France Football ​ហើយ​កាល​ពី​យប់មិញ​នេះ។

Mbappe ​ពិត​ជា​កីឡាករ​វ័យ​ក្មេង​ឆ្នើម​ខ្លាំង​មែនទែន ​ទាំង​លេង​នៅ​ក្លឹប​អាជីព ​និង​ជម្រើស​ជាតិ​បារាំង​របស់​ខ្លួន។ ជាក់​ស្ដែង ​ផ្លាស់​មក​លេង​នៅ PSG ​រូបគេ​បាន​ជួយ​ក្រុម​នេះ​ឈ្នះ​ពាន​លីគ​កំពូល​បារាំង ​ហើយ​ថែម​ទាំង​បាន​ជួយ​បារាំង​លើក​ពាន World Cup 2018 ​ថែម​ទៀត​ក្នុង​ឆ្នាំ​នេះ។ ដោយសារ​តែ​ដូច្នេះ​ហើយ ​ទើប​រូបគេ​មាន​ឱកាស​ឈ្នះ​ពាន​រង្វាន់​កិត្តិយស​ខាង​លើ ដែល​ជា​ពាន​រង្វាន់​មួយ​សំដៅ​ទៅ​លើ​កីឡាករ​ក្រោម​អាយុ​២១​ឆ្នាំ​លេង​ល្អ​ជាង​គេ​បំផុត។

ក្នុង​ឱកាស​ទទួល​ពាន​រង្វាន់​នេះ​ដែរ ​អតីត​កីឡាករ Monaco ​បាន​និយាយ​ដូច្នេះ​ថា​៖ “ខ្ញុំ​សប្បាយ​ចិត្ត​នឹង​ទទួល​ពាន​នេះ។ ខ្ញុំ​អរគុណ​ដល់​មិត្ត​រួម​ក្រុម​ទាំង​អស់​ទាំង​នៅ​ជម្រើស​ជាតិ​និង​ក្លឹប។ ខ្ញុំ​នឹង​មិន​អាច​បំភ្លេច​បាន​ឡើយ​នៅ​ពេល​វេលា​ដ៏​អស្ចារ្យ​ដែល​យើង​ជួយ​បារាំង​លើក​ពាន World Cup 2018 ។ ហើយ​គោល​បំណង​បន្ទាប់​របស់​ខ្ញុំ គឺ​នឹង​បន្ដ​លើក​ពាន​រង្វាន់​គ្រប់​ប្រភេទ​ទាំង​អស់”៕ប្រភពDailyMail

 

ភ្ជាប់ទំនាក់ទំនងជាមួយ CTS SPORT