ខ្សែបម្រើ Luka Modric បានក្លាយជាកីឡាករថ្មី ឈ្នះពានរង្វាន់ Ballon d’Or ឆ្នាំ២០១៨ បំបែកកំណត់ត្រារបស់ Lionel Messi និង Cristiano Ronaldo ។
១០ឆ្នាំចុងក្រោយនេះ ពានរង្វាន់កីឡាករល្អខាងលើ មានតែ Messi និង Ronaldo ប៉ុណ្ណោះដែលចែកគ្នាឈ្នះម្ដងម្នាក់។ ប៉ុន្តែរជ្ជកាលនោះ បានបញ្ចប់នៅឆ្នាំ២០១៨នេះហើយ ដោយ Modric ជាអ្នកបំបែកវាបាន។ កីឡាករឆ្នើមរបស់ក្រូអាតរូបនេះ ជួយឱ្យក្រុម Real Madrid ឈ្នះ UEFA Champions League ៣ឆ្នាំជាប់គ្នា និងជួយក្រូអាតឡើងដល់វគ្គផ្ដាច់ព្រ័ត្រ World Cup 2018 ថែមទៀតផង។
លទ្ធផលជាផ្លូវការនៃការបោះឆ្នោតនោះ គឺ Luka Modric បាន៧៥៣ពិន្ទុនៅលេខ១ Ronaldo បាន៤៧៦ពិន្ទុនៅលេខ២ Griezmann មាន៤១៤ពិន្ទុលេខ៣ Mbappe មាន៣៤៧ពិន្ទុនៅលេខ៤ និងកីឡាករឆ្នើម Messi មាន២៨០ពិន្ទុនៅលេខ៥៕ប្រភពDailyMail