សហព័ន្ធកីឡាបាល់ទាត់ទ្វីបអឺរ៉ុប UEFA បានបង្កើតពានរង្វាន់ថ្មីមួយទៀត ដើម្បីលេងនៅឆ្នាំ២០២១ខាងមុខ ដែលស្មើនឹងកម្រិតទី៣ បន្ទាប់ពី UEFA Champions League និង Europa League ។
ពានរង្វាន់នេះដែរគឺមានឈ្មោះថា UEL2 ឬឈ្មោះពេញថា UEFA Europa League II ។ ការប្រកួតនឹងដំណើរការមិនខុសពីពានរង្វាន់២ទៀតឡើយ ដោយនឹងមានក្រុមមកពីបណ្ដាប្រទេស៣៤ផ្សេងៗនៅអឺរ៉ុបចូលរួម បែងចែកជាពូលប្រកួតសន្សំពិន្ទុគ្នា។ ប៉ុន្តែអ្វីដែលប្លែកនោះ គឺការប្រកួតនឹងធ្វើឡើងនៅថ្ងៃព្រហស្បតិ៍ពាក់កណ្ដាលសប្ដាហ៍។
ក្រុមដែលឈ្នះពានរង្វាន់ UEFA Europa League II នឹងមានឱកាសបានឡើងទៅលេងពានរង្វាន់ Europa League ដោយស្វ័យប្រវត្តិ។ លោក Aleksander Ceferin ប្រធាន UEFA បាននិយាយពីគោលបំណងនៃការបង្កើតពាននេះ ដើម្បីឱ្យក្រុមដែលមិនសូវខ្លាំងឬពាក់កណ្ដាលតារាងក្នុងលីគ មានឱកាសបានប្រកួតប្រជែងលើឆាកអន្តរជាតិកាន់តែខ្លាំងថែមទៀត៕ប្រភពGoal
