អ្នកប្រដាល់វ័យក្មេង សុខ ធី ត្រូវសហព័ន្ធកីឡាប្រដាល់គុនខ្មែរ ពិន័យ៦ខែ មិនឱ្យចេញទៅប្រកួតនៅក្រៅស្រុក ឬមានការប្រកួតនៅក្នុងស្រុកអ្វីនោះទេ។
មិនត្រឹមតែពិន័យកីឡាករនេះទេ ដោយសូម្បីតែគ្រូបង្វឹក សាន សៅយ៉ាន់ ក៏ត្រូវពិន័យ៦ខែ មិនឱ្យធ្វើអាជ្ញាកណ្ដាលដឹកនាំការប្រកួតផងដែរ។ ការពិន័យយ៉ាងធ្ងន់នេះដែរ ធ្វើឡើងដោយសារតែ សុខ ធី សម្រេចចាកចេញពីការប្រកួតពានរង្វាន់អន្តរជាតិកំពូលអ្នកប្រយុទ្ធកណ្តាប់ដៃដែក ISI PALM រដូវកាលទី៣ ព្រោះរូបគេមិនព្រមទទួលយកលទ្ធផលរបស់សហព័ន្ធកាត់ក្ដីបាន។
ក្រោយពីសម្រេចចាកចេញទៅនេះដែរ ពានរង្វាន់ខាងលើក៏បានសម្រេចយក ចាន់ ស៊ីណាត មកជំនួសវិញ ដោយព្រមទទួលយកលទ្ធផលចាញ់កីឡាករថៃ ធ្នូសឹកឡេក អ.ហ្វាន់មឿង៕