ក្រុម Spurs បានតកុងត្រា ឱ្យលោក Mauricio Pochettino ដឹកនាំរហូតដល់ឆ្នាំ២០២៣ ហើយថែមទាំងផ្ដល់ប្រាក់ប្រមាណ១០០លានផោន ដើម្បីទិញដូរកីឡាករថែមទៀត។
កុងត្រាថ្មីរយៈពេល៥ឆ្នាំនេះដែរ នឹងធ្វើឱ្យអ្នកចាត់ការអាហ្សង់ទីនរូបនេះទទួលបាន៨,៥លានផោនក្នុងមួយឆ្នាំ។ ហើយគ្រូជំនួយទាំងអស់របស់លោកក៏ចុះកុងត្រាជាមួយគ្នានេះដែរ។ Pochettino បាននិយាយក្រោយចុះកុងត្រាថា៖ “ខ្ញុំរីករាយក្នុងការបន្ដដឹកនាំក្រុមនេះទៀត។ គោលដៅដូចគ្នា ទើបធ្វើឱ្យខ្ញុំយល់ព្រមបន្ដនាំ Spurs ទៅកាន់អនាគតមួយដែលអ្នកគាំទ្រគ្រប់គ្នាចង់បាន។ យើងនឹងដឹកនាំមួយនេះឱ្យកាន់តែល្បីថែមទៀតជាមួយកីឡដ្ឋានថ្មីរបស់យើងនៅប៉ុន្មានឆ្នាំខាងមុខ”។
ជាមួយទឹកប្រាក់ទិញកីឡាករ១០០លានផោន ត្រូវអ្នកចាត់ការខាងលើរំពឹងថានឹងអាចទិញបានកីឡាករល្អៗមករួមក្រុម។ តួយ៉ាងដូចជាបច្ចុប្បន្ននេះ ក្រុមរបស់លោកកំពុងដាក់សំណើទិញយកខ្សែប្រយុទ្ធ Martial របស់ក្រុម Man Utd និង Zaha របស់ក្រុម Crystal Palace ជាដើម។
អ្នកចាត់ការវ័យ៤៦ឆ្នាំខាងលើនេះ មានកំណត់ត្រាដឹកនាំក្រុមតាំងពីឆ្នាំ២០០៩មក ដោយមានដូចជា Espanyol Southampton និង Spurs នេះឯង។ កំណត់ត្រាដឹកនាំ Spurs តាំងពីឆ្នាំ២០១៤មក គឺ២១៨ប្រកួត ឈ្នះបាន១២១ប្រកួត ចាញ់៤៧ ស្មើ៥០ប្រកួត៕ប្រភព៖ DailyMail
