Arsenal ​បន្ដ​ភាព​ខ្លាំង​របស់​ខ្លួន ​ឈ្នះ Spurs ​៤-២ ​យប់មិញ​

ក្រុម​កាំភ្លើង ​Arsenal ​រក​ឃើញ​ជ័យជម្នះ​លើក​ទី​១៨​នា​រដូវ​កាល​នេះ​ហើយ ​ក្រោយ​យក​ឈ្នះ​ក្រុម Spurs ​ក្នុង​លទ្ធផល ៤-២ ​នា​ការ​ប្រកួត​យប់មិញ​នេះ។លេង​ក្នុង​ដី​ខ្លួន​ឯង Arsenal ​ពិត​ជា​លេង​បាន​យ៉ាង​មាន​ទំនុក​ចិត្ត ​ក្រោយ​ពី​ Pierre-Emerick Aubameyang ​រក​គ្រាប់​បាល់​នាំ​មុខ​បាន​នៅ​នាទី​ទី​១០។ ក្រោយ​ពី​នាំ​មុខ​នេះ​ហើយ ​ភ្ញៀវ Spurs ​ហាក់​ដូចជា​លេង​បាន​ល្អ​ជាង​មុន ​និង​មាន​ឱកាស​រក​គ្រាប់​បាល់​បាន​២​គ្រាប់​នាំ​មុខ​វិញ ​ដោយ​​Eric Dier នាទី ៣០ និង Harry Kane ​ប៉េណាល់ទី នាទី ៣៤។ ​ចប់​វគ្គ​ទី​១ ​ក្រុម Arsenal ​១-២ Spurs ។

ឈាន​ចូល​ដល់​វគ្គ​ទី​២ ​ក្រុម​របស់​លោក Emery ​ដែល​មាន​អ្នក​គាំទ្រ​ជួយ​ស្រែង​ហ៊ោ​ផង​នោះ ​បាន​ស្វែង​រក​គ្រាប់​បាល់​បាន​ដល់​ទៅ​៣​គ្រាប់​ឯ​ណោះ ​ដើម្បី​យក​ឈ្នះ Spurs ​៤-២ ​វិញ។ ដោយ​៣​គ្រាប់​នៅ​វគ្គ​ទី​២​នេះ ​ធ្វើ​បាន​ដោយ ​Aubameyang ​នាទី​៥៦ ​ Alexandre Lacazette ​នាទី​៧៣ ​និង ​Lucas Torreira ​នាទី​៧៧។

ទទួល​បាន​៣​ពិន្ទុ​នេះ​ទៀត ធ្វើ​ឱ្យ​ក្រុម​កាំភ្លើង​ធំ​មាន​កំណត់ត្រា​មិន​ចាញ់​សោះ​គ្រប់​កម្មវិធី​១៨​ប្រកួត​មក​ហើយ។ ដោយ​នៅ​លីគ​អង់គ្លេស Arsenal ​បាន​ហក់​ឡើង​មក​លេខ​៤​ក្នុង​តារាង​ផង​ដែរ៕ប្រភពDailyMail

ភ្ជាប់ទំនាក់ទំនងជាមួយ CTS SPORT